رەسەيدىڭ ورتالىق سايلاۋ كوميسسياسى پۋتيندى پرەزيدەنتتىك سايلاۋعا كانديدات رەتىندە تىركەدى

Путин
Фото: ТАСС

رەسەي. KAZINORM - رەسەي فەدەراتسياسىنىڭ ورتالىق سايلاۋ كوميسسياسى (و س ك) ر ف پرەزيدەنتتىگىنە ءوزىن-ءوزى ۇسىنعان كانديدات، قازىرگى مەملەكەت باسشىسى ۆلاديمير پۋتيندى تىركەدى.

بۇل تۋرالى ت ا س س اقپارات اگەنتتىگى جازدى.

پۋتين پرەزيدەنتتىك سايلاۋدا تىركەلگەن ءتورتىنشى كانديدات بولدى. بۇعان دەيىن و س ك ءۇش پارلامەنتتىك پارتيانىڭ وكىلدەرى - لەونيد سلۋتسكي (ل د پ ر)، ۆلاديسلاۆ داۆانكوۆ («نوۆىە ليۋدي») جانە نيكولاي حاريتونوۆتى (ك پ ر ف) تىركەگەن بولاتىن.

پۋتين ءۇشىن الداعى سايلاۋ ساياسي مانسابىنداعى بەسىنشى سايلاۋ بولادى، وعان دەيىن ول ءتورت رەت مەملەكەت باسشىسى بولىپ سايلانعان (2000، 2004، 2012، 2018). ەڭ جاقسى ناتيجە 2018-جىلى كورسەتىلدى، ول كەزدە پۋتين سايلاۋشىلاردىڭ %76,69 داۋىسىن جينادى.

سوڭعى جاڭالىقتار