رەسەيدەگى ۇسىك قازاقستاننىڭ ازىق-تۇلىك نارىعىنا اسەر ەتەدى - ساراپشى

Кирилл Павлов
Фото: Кирилл Павловнинг Facebook саҳифасидан

 استانا. KAZINFORM - رەسەيدەگى ۇسىك قازاقستاننىڭ ازىق- تۇلىك نارىعىنا اسەر ەتەدى. مۇنداي پىكىردى ساراپشى كيريلل پاۆلوۆ ءبىلدىردى.

مامىر مەرەكەسى كەزىندە رەسەيدىڭ ءبىرقاتار وڭىرىندە كۇن بۇزىلىپ، ءتىپتى ماسكەۋدە مول قار جاۋعان بولاتىن. وسى ورايدا ساراپشى كيريلل پاۆلوۆ ۇسىك جەمىس باقتارىنا تەرىس اسەر ەتكەندىگىن ايتادى. سونىڭ سالدارىنان رەسەيدىڭ ازىق- تۇلىك نارىعىندا ءبىرقاتار ونىمگە سۇرانىس ارتۋى ىقتيمال.

«رەسەيدىڭ ءبىرقاتار وڭىرىندە قۇلپىناي مەن جەمىس باقتارى ءۇسىپ قالدى. بۇگىن تامبوۆ وبلىسىندا استىق داقىلدارىن دا ۇسىك شالدى. قالاي دەسەك تە، مۇنداي تابيعي وزگەرىس ازىق- تۇلىك نارىعىنا اسەرىن تيگىزەدى. سوندىقتان سۇرانىس بولادى»، - دەدى ول.

ساراپشىنىڭ اتاپ وتۋىنشە، سوڭعى ۋاقىتتا رەسەي ىشكى وندىرىسكە باسىمدىق بەرىپ وتىر. ال ەندىگى ۋاقىتتا نارىقتاعى بەلگىلى ءبىر ساتسىزدىككە بايلانىستى قاجەتتى ءونىمدى يمپورتتاۋ ارقىلى ورنىن تولتىرۋعا تىرىسادى. ول باعاعا دا اسەر ەتەتىندىگى انىق.

«بۇل جايت قازاقستانعا دا تىكەلەي اسەر ەتۋى مۇمكىن. ەگەر ماسكەۋ ءبىزدىڭ ءونىمدى جاقسى باعاعا ساتىپ الاتىن بولسا، وندا بارلىعى دا ازىق-تۇلىكتى سول جاققا اپارۋعا تىرىسادى. ال ەگەر قازاقستان ەكسپورتقا تىيىم سالسا، وندا فەرمەرلەر شىعىنعا باتادى»، - دەدى كيريلل پاۆلوۆ.

سوڭعى جاڭالىقتار