رەسەيدىڭ قورعان قالاسىنا توبىل وزەنى ارقىلى مول كولەمدە سۋ اعىپ كەلەدى

استانا. KAZINFORM - رەسەيدىڭ قورعان وبلىسىنىڭ وزەندەرىنە قۇياتىن سۋ قويمالارىنان اعىزىلاتىن سۋ توقتاماي وتىر. قورعانعا قاراي اعىسپەن مول كولەمدە سۋ كەلە جاتىر، دەپ حابارلادى وبلىس گۋبەرناتورى ۆاديم شۋمكوۆ ءوزىنىڭ Telegram كانالىندا. بۇل تۋرالى ت ا س س اقپارات اگەنتتىگى حابارلادى.

«قازىر زۆەرينوگولوۆسكوە اۋىلىندا توبىلدان كەلەتىن سۋ دەڭگەيى قازىردىڭ وزىندە 980 س م-دەن اسىپ وتىر، ال قورعاندا - 375 س م. ەڭ باستى پروبلەما قازىر وسى بولىپ وتىر. قويمالاردان كەلەتىن سۋ توقتاماي اعىپ جاتىر»، - دەپ جازدى ول.

قورعان وبلىسى وڭتۇستىگىندە قازاقستانمەن شەكتەسەدى، توبىل وزەنى وبلىستىڭ ورتالىعىنان وتەدى. وزەن القابىندا ورنالاسقان ەلدى مەكەندەردى، سونىڭ ىشىندە قورعاندى سۋ باسۋ قاۋپى بار.

گۋبەرناتوردىڭ حابارلاۋىنشا، سارسەنبى كۇنى بۇل كورسەتكىش سەكۋندىنا 1,6 مىڭ تەكشە مەترگە دەيىن ازايعان. بۇدان باسقا، توبىلعا قۇياتىن ۋي وزەنىنە قۇيىلاتىن سۋ كولەمى سەكۋندىنا 1,1 مىڭ تەكشە مەتردەن 400 تەكشە مەترگە دەيىن ازايدى. وعان چەليابى سۋ قويماسىنان سۋ كەلەتىن.

سوعان قاراماستان، توبىلداعى سۋ دەڭگەيى ءار اۋداندا ءار ۋاقىتتا ساعات سايىن 10-50 س م-گە دەيىن كوتەرىلۋدە.

بيلىك وكىلدەرىنىڭ مالىمەتىنشە، ەڭ اۋىر جاعداي زۆەرينوگولوۆسكي مۋنيتسيپالدى اۋدانىندا ورناعان. ماسكەۋ ۋاقىتىمەن ساعات 18:00-دە زۆەرينوگولوۆسكوە اۋىلى ماڭىنداعى وزەندەگى سۋ دەڭگەيى 985 س م-گە جەتتى - ەكى ساعاتتا پليۋس 8 س م.

سۋ اعىنىنىڭ جىلدامدىعى ازداپ تومەندەدى، ءبىراق جالپى كورسەتكىش 1060 س م-گە جەتۋى ىقتيمال، بۇل كەزدە قاۋىپتى قۇبىلىستاردىڭ ورىن الۋى ابدەن مۇمكىن. توبىلداعى قورعاندا سۋ دەڭگەيى باياۋ كوتەرىلۋدە. كۇندىزگى ۋاقىتتا سۋ كولەمى 24 س م-گە كوتەرىلىپ، دەڭگەيى 375 س م-گە جەتتى.

سۋ تاسقىنىنىڭ شارىقتاۋ شەگى 11-14-ساۋىردە بولادى دەپ شامالانىپ وتىر. وزەندەگى سۋ 9-دان 14 م-گە دەيىن كوتەرىلىپ، 28 مىڭعا دەيىن ادام قاۋىپتى ايماقتا قالۋى مۇمكىن. شىعىستا سۋ اۋەجايعا، وڭتۇستىكتە - ستاكان كولىنە نەمەسە ودان ارى قاراي، ال باتىستا - گورەلوە كولىنە جانە ودان تىس جەرلەرگە جەتۋى مۇمكىن. سۋ اعىنى تەمىر جولدارعا دا اسەر ەتەدى. قاۋىپتى ايماققا اربينسكي باستوعانى دا كىرىپ وتىر، ونى سۋ باسقان جاعدايدا قالا تۇرعىندارى جارىقسىز قالادى.

سۋ وزەن ارناسىنىڭ بويىندا ورنالاسقان التى ەلدى مەكەنگە، سونىڭ ىشىندە زۆەرينوگولوۆسكوە اۋىلىنا دا كەلىپ جەتتى. 180 نەن استام تۇرعىن ءۇي مەن 280 دەن استام جەكە ۋچاسكەنى سۋ باسقان.

شۋمكوۆ توبىل وزەنى القابى كوەففيتسيەنتىنە بايلانىستى سۋدىڭ ءبىر بولىگىن سىڭىرە الاتىنىنا سەنىم ءبىلدىردى. توبىل زۆەرينوگولوۆسكوە دەڭگەيىندە سۋعا تولىپ، وزەن ارناسىنان اسپاي وتىر.

اۆتور

زارينا تۋعانبايەۆا