رەسەيدىڭ قازاقستاننان بەنزين قورىن سۇراعانى راس پا

استانا. KAZINFORM – ق ر ەنەرگەتيكا مينيسترلىگى رەسەيدىڭ قازاقستاننان بەنزين قورىن سۇراعانى تۋرالى اقپاراتقا پىكىر ءبىلدىردى.

بۇعان دەيىن بىرنەشە اقپاراتتىق سايت، ونىڭ ىشىندە الەمدىك Reuters اگەنتتىگى رەسەيدىڭ قازاقستاننان 100 مىڭ توننا كولەمىندە اپاتتىق بەنزين قورىن قۇرۋدى، قاجەت بولعان جاعدايدا ونى جەدەل جەتكىزۋدى سۇراعانىن حابارلاعان ەدى.

مۇنداي ءوتىنىش رەسەي مۇناي وڭدەۋ زاۋىتتارىندا جوسپاردان تىس كوپتەگەن جوندەۋ جۇمىستارىنا بايلانىستى جاسالعان دەيدى ولار.

«قازىرگى ۋاقىتتا رەسەي فەدەراتسياسىنىڭ ەنەرگەتيكا مينيسترلىگىنەن بىزگە مۇنداي سۇرانىس تۇسكەن جوق. سوندىقتان اقپارات راستالمايدى»، - دەپ جاۋاپ بەردى ق ر ەنەرگەتيكا مينيسترلىگىنىڭ رەسمي وكىلى شىڭعىس ءىلياسوۆ.

ايتا كەتەيىك، ەلىمىزدە مۇناي وڭدەيتىن ءۇش زاۋىت بار.

ناۋرىز ايىندا زاۋىتتاردا بەنزين مەن ديزەلدىڭ 1,2 ميلليون توننا قورى جيناقتالعان.