رەسەيدە ي ل-76 ۇشاعى اپاتقا ۇشىرادى

استانا. KAZINFORM - رەسەيدىڭ يۆانوۆو وبلىسىندا ۇشۋ كەزىندە ي ل-76 اسكەري-كولىك ۇشاعى اپاتقا ۇشىرادى. بۇل جايىندا ت ا س س اگەنتتىگى ر ف قورعانىس مينيسترلىگىنە سىلتەمە جاساپ حابارلادى.

اگەنتتىك مالىمەتىنشە، ۇشاق قۇلاعان كەزدە ورتەنگەن. قازىر ءورت تولىق سوندىرىلگەن. قورعانىس مينيسترلىگى ۇسىنعان دەرەككە قاراعاندا، بورتىندا 8 ەكيپاج مۇشەسى جانە 7 جولاۋشى بولعان ۇشاقتىڭ ءبىر قوزعالتقىشى ۇشقان كەزدە جانعان. ونىڭ نەدەن شىققانى ازىرشە بەلگىسىز. بورتتا بولعان ادامداردىڭ ءبارى قازا تاپقان.

اپاتتىڭ ءمان-جايىن انىقتاۋ ءۇشىن يۆانوۆوعا ر ف اۋە-عارىش كۇشتەرى باس قولباسشىلىعىنىڭ كوميسسياسى اتتانعان.