رەسەيدە مەملەكەتكە وپاسىزدىق جاسادى دەپ سوتتالعاندار سانى كۇرت ءوستى
ماسكەۋ. KAZINFORM - بىلتىر رەسەيدە مەملەكەتكە قارسى قىلمىس پەن تىڭشىلىق جاساعانى ءۇشىن 170 كە جۋىق ادام سوتتالدى. سونداي-اق شەتەلدەرمەن جاسىرىن ىنتىماقتاستىق جاسادى دەپ ايىپتالعانداردىڭ سانى 10 ەسەگە وسكەن. بۇل تۋرالى سوت دەپارتامەنتىنىڭ اقپاراتىنا سۇيەنە وتىرىپ، «ۆاجنىە يستوري» حابارلادى.
رەسەيدە 2024 -جىلى مەملەكەتكە وپاسىزدىق جاساعانى ءۇشىن 145 ادام سوتتالدى (رف قىلمىستىق كودەكسىنىڭ 275-بابى).
بۇل 2023 -جىلعى كورسەتكىشتەردەن ءتورت ەسە كوپ جانە قازىرگى رەسەي تاريحىنداعى بارلىق كورسەتكىشتەن جوعارى ەكەنى اتاپ ءوتىلدى.
ءبىر جىل ىشىندە سوتتار 23 رەسەيلىكتى تىڭشىلىق جاساعانى ءۇشىن تۇرمە جازاسىنا كەستى (قىلمىستىق كودەكستىڭ 276-بابى) - 2023 -جىلمەن سالىستىرعاندا 2,5 ەسە كوپ. ەگەر جوعارىدا اتالعان ەكى باپ بويىنشا سوتتالعاندار سانى قوسىلسا، رەسەي سوتتارى وتكەن جىلى «مەملەكەتكە وپاسىزدىق جاسادى» دەگەن ايىپپەن كۇنارا ءبىر ادامدى تۇرمەگە كەستى.
شەتەلدىك مەملەكەتتەرمەن جاسىرىن ىنتىماقتاستىق جاساعانى ءۇشىن سوتتالعانداردىڭ سانى 10 ەسەگە ءوستى. 2024 -جىلى وسى باپ بويىنشا 21 رەسەيلىك كىنالى دەپ تانىلدى. بۇل باپتىڭ ءوزى رەسەي ۋكرايناعا اسكەري وپەراتسيالاردى باستاعاننان كەيىن قىلمىستىق كودەكسكە ەنگىزىلگەن.
سونداي- اق مەملەكەتتىك قۇپياعا قاتىستى باپتار بويىنشا سوتتالعاندار دا سانى ارتتى. وتكەن جىلى اتالعان ايىپپەن 209 ادام سوتتالدى، بۇل 2024 -جىلمەن سالىستىرعاندا 30 پايىزعا ارتىق.
RTVI جاريالاعان ستاتيستيكاعا سايكەس، بىلتىر كەم دەگەندە 28 ادام تىڭشىلىق جاساعانى ءۇشىن سوتتالعان. ونىڭ 18 ى ۋكراينا، 7 ەۋى رەسەي، 2 ەۋى ا ق ش ازاماتى.
ەسكە سالا كەتەيىك، زەلەنسكي رەسەيمەن اسكەري تۇتقىندار الماسقانىن راستادى.
