رەسەيدە «ماڭىگىلىك الاۋدى» وشىرگەن وزبەك بالالارى وتباسىمەن بىرگە مەملەكەتتەن شىعارىلادى
سانكت- پەتەربوردىڭ كراسنوسەلسك اۋداندىق سوتى وزبەكستاننىڭ ءۇش ازاماتىن رەسەيدىڭ اكىمشىلىك جاۋاپكەرشىلىك كودەكسىنىڭ 18.8-بابى، 3-بولىگى بويىنشا قۇقىق بۇزۋشىلىقتى جاساعانى ءۇشىن كىنالى دەپ تاپتى.
بالالار «ماڭگىلىك الاۋدى» قارمەن سوندىرگەن، دەپ حابارلايدى Kazinform سانكت- پەتەربور سوتتارىنىڭ بىرىككەن باسپا ءسوز قىزمەتىنە سىلتەمە جاساپ.
سوت ولاردى ەلدەن شىعارىپ، ايىپپۇل سالۋ تۋرالى شەشىم قابىلدادى.
وزبەكستان ازاماتتارىنىڭ رەسەي اۋماعىندا ەشقانداي تىركەۋسىز تۇرىپ كەلگەنى انىقتالدى. ولار ءوز كىنالارىن تولىعىمەن مويىنداعان.
سوت وتباسى مۇشەلەرىنىڭ ءارقايسىسىنا 5000 رۋبل (25460 تەڭگە) كولەمىندە ايىپپۇل سالدى.
10-جەلتوقساندا سانكت- پەتەربوردىڭ كراسنوە سەلوسىندا ءۇش بالا «ماڭگىلىك الاۋدى» قارمەن سوندىرگەن. پوليتسەيلەر 10 جانە 14 جاستاعى اعايىندى جەتكىنشەكتى جانە 12 جاستاعى ءجاسوسپىرىمدى قولعا ءتۇسىردى. وسىدان كەيىن رەسەي ىشكى ىستەر مينيسترلىگى بالالاردىڭ وتباسى رەسەي اۋماعىندا زاڭسىز جۇرگەنىن انىقتاپ، سوتقا شاعىم تۇسىرگەن.
رەسەيدە سوعىستا قازا تاپقانداردى ەسكە الۋعا ارنالعان «ماڭگىلىك الاۋعا» قارسى جاسالعان بۇزاقىلىق اۋىر قىلمىس بولىپ ەسەپتەلەدى.
