رەسەيدە جۇمىسىن توقتاتقان قانداي كاسىپورىندار الماتىعا كوشىپ كەلدى
الماتى. KAZINFORM - بۇرىن رەسەيدە جۇمىس ىستەگەن ءبىرقاتار ءىرى كومپانيالاردىڭ بۇگىنگى باس كەڭسەلەرى الماتىعا اۋىستى.

الماتى قالاسى كاسىپكەرلىك جانە ينۆەستيتسيالار باسقارما باسشىسىنىڭ ورىنباسارى قايرات نۇرقاسىموۆ اگەنتتىك ساۋالىنا جاۋاپ بەرە وتىرىپ، اكىمدىك رەسەي فەدەراتسياسىندا قىزمەتىن توقتاتقان ءىرى ونەركاسىپتىك كاسىپورىندار مەن حالىقارالىق كورپوراتسيالاردى مەگاپوليسكە اكەلۋ بويىنشا بەلسەندى جۇمىس ىستەپ جاتقانىن ايتتى.
ونىڭ سوزىنشە، قالادا InDriver، Koppert (بيو تىڭايتقىشتار مەن وسىمدىكتەردى قورعاۋ ءوندىرىسى)، Stada Arzneimittel (فارماتسيەۆتيكالىق ءوندىرىس)، Great Wall Motors (اۆتوموبيل ءوندىرىسى)، Clariant ،China Railway Construction Corporation - CRCC (تەمىرجول قۇرىلىس كورپوراتسياسى) جانە WEG (ەلەكتر جابدىقتارىن ءوندىرۋ) سياقتى كومپانيالاردىڭ ايماقتىق كەڭسەلەرى اشىلدى.
سونىمەن قاتار بۇرىن ءوز قىزمەتىن رەسەيدە جۇزەگە اسىرعان Honeywell كومپانياسى 2022 -جىلى الماتىدا باسقارۋ قوراپتارىن قۇراستىرۋ بويىنشا جاڭا ءوندىرىس ورنىن ىسكە قوستى. ال يندۋستريالىق ايماقتا Weir Minerals زاۋىتى سورعى جابدىقتارىن، گيدروتسيكلونداردى جانە بەكىتۋ ارماتۋراسىن ءوندىرۋ جانە قالپىنا كەلتىرۋ بويىنشا جۇمىسىن باستادى. وعان 1,25 ميلليارد تەڭگە ينۆەستيتسيا سالىنىپ، 60 تان استام جۇمىس ورنى قۇرىلدى.
ەسكە سالايىق، بۇعان دەيىن قازاقستاندا جوعارى تەحنولوگيالىق دروندار ءوندىرىسى جوسپارلانىپ وتىرعانىن جازعانبىز.