رەسەيدە الاياقتىقتىڭ جاڭا ءتۇرى پايدا بولدى
ماسكەۋ. KAZINFORM - الاياقتاردىڭ رەسەيلىكتەردەن بانك كارتالارىن نەمەسە بانكتەگى جەكە كابينەتتەرىن جالعا بەرۋىن سۇراپ، جوعارى سىياقى مەن «قۇقىقتىق قاۋىپسىزدىكتى» ۋادە ەتۋ وقيعالارى جيىلەدى ، دەپ حابارلايدى Kazinform اگەنتتىگىنىڭ ءتىلشىسى رەسەي ءى ءى م اقپاراتتىق-كوممۋنيكاتسيالىق تەحنولوگيالاردى زاڭسىز پايدالانۋمەن كۇرەس جونىندەگى باسقارماسىنىڭ Telegram ارناسىنا سىلتەمە جاساپ.
حابارلامادا ايتىلعانداي، الاياقتار سىلتاۋ رەتىندە كريپتوۆاليۋتامەن مامىلەلەردى نەمەسە وزگە دە وپەراتسيالاردى ايتۋى مۇمكىن، الايدا كارتانى قىلمىستىق جولمەن الىنعان اقشانى ءبىر رەتتىك شەشىپ الۋ ءۇشىن پايدالانادى.
الايدا، رەسەي ءى ءى م بۇل ارەكەتتى دروپپەرلىك دەپ سانايدى. اتاپ ايتقاندا، ءوز تولەم دەرەكتەرىنە ءۇشىنشى تۇلعالارعا كەز كەلگەن سىلتاۋمەن قول جەتكىزۋگە مۇمكىندىك بەرۋ قىلمىسقا قاتىسۋ بولىپ سانالاتىنىن ەسكەرتەدى.
سونداي-اق، قاۋىپسىزدىك كەپىلدىگى دە جالعان ەكەنىن ايتادى. جەكە كابينەتىنە قاتىستى دەرەكتەردى بەرگەن ازاماتتار قارجىلىق شىعىنعا ۇشىراپ (شوتتاردىڭ بۇعاتتالۋى)، قىلمىستىق جاۋاپكەرشىلىككە تارتىلادى.
ەسكە سالايىق، رەسەيدە دروپپەرلىك ءۇشىن قىلمىستىق جاۋاپكەرشىلىك تۋرالى زاڭ قابىلدانعان.
