رەسەي تەرريتوريالىق تۇرعىدا تالاپ قويادى دەگەن الاڭداۋشىلىعىمىز جوق - قاسىم-جومارت توقايەۆ
مەملەكەت باسشىسى قاسىم-جومارت توقايەۆ رەسەي تاراپىنان اۋماقتىق تالاپ بويىنشا ەش قاۋىپ جوق ەكەنىن ايتتى، دەپ حابارلايدى قازاقپارات ءتىلشىسى.

قاسىم-جومارت توقايەۆ گەرمانيا فەدەراتيۆتىك رەسپۋبليكاسىنا رەسمي ساپارمەن باردى.
فەدەرالدىق كانتسلەر ولاف شولتسپەن كەلىسسوزدەردەن كەيىن تىلشىلەرگە بەرگەن باسپا ءسوز ءماسليحاتىندا پرەزيدەنت قازاقستاننىڭ رەسەيمەن ەكىجاقتى تاراپتا جانە ءتيىستى ينتەگراتسيالىق بىرلەستىكتەر شەڭبەرىندە تۇراقتى دوستىق قارىم-قاتىناستا ەكەنىن ايتتى.
«قازاقستان مەن رەسەي اراسىنداعى شەكاراعا كەلسەك، ول ءوز ۋاقىتىندا دەليميتاتسيالانعان جانە ايتارلىقتاي دارەجەدە دەماركاتسيالانعان، ەكى ەلدىڭ پارلامەنتتەرى بەكىتكەن جانە راتيفيكاتسيالاعان. سوندىقتان بىزدە رەسەي تەرريتوريالىق تۇرعىدا تالاپ قويادى دەگەن ەش الاڭداۋشىلىق جوق»، - دەدى قاسىم-جومارت توقايەۆ.