رەسەي تۇرمەسىندە وتىرعان قازاقستاندىقتار سوعىسقا اكەتىلگەنى راسپا

Испания қателесіп голландиялық наркобаронды түрмеден босатып жіберді
Фото: pexels.com

 استانا: KAZINFORM - ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ رەسەي تۇرمەلەرىندە وتىرعان قازاقستاندىقتارعا قاتىستى مالىمدەمە جاسادى.

اپتالىق بريفينگتە تىلشىلەر رەسەي قالالارىندا ناشاقورلىق بويىنشا تۇرمەگە تۇسكەن قازاقستاندىقتاردىڭ تۋىستارى باس پروكۋراتۋراعا جۇگىنگەنىن ايتتى.

ولار رەسەي تۇرمەلەرىندە سوعىسقا ۇگىتتەۋ بار ەكەنىن ايتىپ، بالالارىن ەلگە اۋىستىرۋدى سۇراعان.

ا. سمادياروۆ مۇنداي فاكتىلەردىڭ وننان اسپايتىنىن، كونسۋلدار بارلىق جاعدايدان حاباردار ەكەنىن اتاپ ءوتتى.

«بۇل ازاماتتار جۇمىستى Telegram-ارنالاردان نەمەسە الەۋمەتتىك جەلىدەن تاپقان. ولار قايدا باراتىنىن، نە ىستەيتىگىن ءبىلدى. تۋىستارىمەن ءبىزدىڭ كونسۋلدار بايلانىستا، بىرنەشە رەت بارىپ ولارمەن كەزدەسىپ كەلدى. رەسەي تاراپىمەن دە – ر ف سىرتقى ىستەر مينيسترلىگىمەن، جەرگىلىكتى بيلىكپەن بايلانىستامىز. رەسەي تۇرمەسىندە وتىرعان قازاقستاننىڭ ءبىر دە ءبىر ازاماتى سوعىسقا اكەتىلگەن جوق. مۇنى 100 پايىز راستاي الامىز. ادام قاي ەلدە زاڭ بۇزسا، سول ەلدىڭ زاڭىمەن جاۋاپ بەرۋى كەرەك. جازا بەلگىلەنىپ، تۇرمەگە اۋىسقان سوڭ پروكۋراتۋرا ىسكە كىرىسىپ، ءبىزدىڭ ەلدە جازاسىن وتەۋگە عانا اۋىستىرا الادى. ءبىزدىڭ سوتپەن ولاردى سوتتاي المايمىز. الەۋمەتتىك جەلىلەردە جۇمىس ۇسىنىپ جاتسا، مۇقيات تەكسەرىپ، ءوز قاۋىپسىزىدكتەرىڭىزدى ويلاۋدى سۇرايمىن»، - دەدى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ اپتالىق بريفينگتە.

سوڭعى جاڭالىقتار