رەسەي تاجىكستان مەن وزبەكستانعا مايمىل شەشەگىن انىقتاۋعا ارنالعان تەست جۇيەلەرىن جىبەرەدى

استانا. KAZINFORM - كەشە، 26- تامىزدا رەسەي فەدەراتسياسىنىڭ تۇتىنۋشىلاردىڭ قۇقىقتارىن قورعاۋ جانە ادامنىڭ ءال- اۋقاتىن باقىلاۋ جونىندەگى فەدەرالدى قىزمەتىنىڭ (روسپوترەبنادزور) باستاماسىمەن ەۋرازيالىق ەكونوميكالىق وداققا مۇشە مەملەكەتتەر حالقىنىڭ سانيتارلىق- ەپيدەميولوگيالىق سالاۋاتتىلىعى سالاسىنداعى قۇزىرەتتى ورگاندار باسشىلارىنىڭ كەزەكتەن تىس وتىرىسى ءوتتى. بۇل تۋرالى روسپوترەبنادزوردىڭ باسپا ءسوز قىزمەتى حابارلادى.

جيىنعا ارمەنيا، بەلارۋس، قازاقستان جانە قىرعىزستاننىڭ سانيتارلىق دارىگەرلەرى قاتىستى. وعان تاجىكستان مەن وزبەكستاننىڭ سانيتارلىق- ەپيدەميولوگيالىق قاۋىپسىزدىك سالاسىنداعى قۇزىرلى ورگاندارىنىڭ باسشىلارى دا شاقىرىلدى.

ەۋرازيالىق ەكونوميكالىق وداق ەلدەرى، سونداي- اق تاجىكستان مەن وزبەكستان رەسەيدەن مايمىل شەشەگىن انىقتايتىن تەست جۇيەلەرىن جىبەرۋدى سۇرادى. وسى اپتادا العاشقى تەست جۇيەلەرى وزبەكستانعا جەتكىزىلەتىن بولدى.

كەڭەس مۇشەلەرىنىڭ ايتۋىنشا، مايمىل شەشەگىنىڭ ە ا ە و- عا مۇشە ەلدەردە، سونداي- اق تاجىكستان مەن وزبەكستاندا تارالۋ قاۋپى تومەن دەپ باعالاندى. جيىندا ەۋرازيا ايماعىنىڭ بارلىق ەلدەرىندە جۇرگىزىلىپ جاتقان ىندەتكە قارسى شارالار تالقىلانىپ، شەكاراداعى كارانتيندىك باقىلاۋ شارالارى كۇشەيتىلگەنى ايتىلدى.

دۇنيەجۇزىلىك دەنساۋلىق ساقتاۋ ۇيىمى كونگو دەموكراتيالىق رەسپۋبليكاسىندا ءورشىپ، ۆيرۋس كورشى ەلدەرگە تارالعاننان كەيىن ەكى جىل ىشىندە ەكىنشى رەت مايمىل اۋرۋىن جاھاندىق توتەنشە جاعداي دەپ جاريالادى.