رەسەي پرەزيدەنتى ۆلاديمير پۋتين وزبەكستانعا باردى
تاشكەنت. KAZINFORM - رەسەي پرەزيدەنتى ۆلاديمير پۋتين مەملەكەتتىك ساپارمەن وزبەكستانعا كەلدى. ونى اۋەجايدان شاۆكات ميرزيەيەۆ كۇتىپ الدى، دەپ حابارلايدى Kazinform اگەنتتىگىنىڭ تاشكەنتتەگى مەنشىكتى ءتىلشىسى ءاليحان اسقار.
ساپار باعدارلاماسىنا سايكەس، ەكى ەل باسشىلارى جوعارى دەڭگەيدە كەلىسسوزدەر جۇرگىزبەك. ونىڭ بارىسىندا جان- جاقتى ستراتەگيالىق ارىپتەستىك پەن وداقتاستىق جانە وزبەك-رەسەي قاتىناستارىن ودان ءارى دامىتۋ ماسەلەلەرى تالقىلانادى.
وزبەكستان باسشىسىنىڭ باسپا ءسوز قىزمەتىنەن ءمالىم ەتكەندەي، كەزدەسۋ اياسىندا تاراپتار تاۋار اينالىمىن ارتتىرۋ، كووپەراتسيالىق جوبالاردى ىلگەرىلەتۋ، مادەني- گۋمانيتارلىق بايلانىستاردى نىعايتا تۇسۋگە ەرەكشە نازار اۋدارادى.
سامميت قورىتىندىسى بويىنشا ءبىرقاتار قۇجاتقا قول قويۋ جوسپارلانعان. سونىمەن قاتار ۆلاديمير پۋتين مەن شاۆكات ميرزيەيەۆ رەسەي مەن وزبەكستان وڭىرلەرى كەڭەسىنىڭ ءبىرىنشى وتىرىسىنا قاتىسادى.
ەسكە سالا كەتەيىك، بۇعان دەيىن رەسەي پرەزيدەنتى ۆلاديمير پۋتين 26-27-مامىردا وزبەكستانعا مەملەكەتتىك ساپارمەن كەلەتىنىن جازىپ ەدىك.
