رەسەي پرەزيدەنتى لاۋازىمىنا ءتورت ۇمىتكەر تالاسقا تۇسەدى
استانا. KAZINFORM - رەسەي فەدەراتسياسىنىڭ پرەزيدەنتى لاۋازىمىنا ر ل د پ جەتەكشىسى لەونيد سلۋسكي، ر ف كوممۋنيستىك پارتياسىنىڭ مۇشەسى نيكولاي حاريتونوۆ، قازىرگى مەملەكەت باسشىسى، ءوزىن-ءوزى ۇسىنعان ۆلاديمير پۋتين جانە «نوۆىە ليۋدي» پارتياسىنىڭ مۇشەسى ۆلاديسلاۆ داۆانكوۆ تالاسادى، دەپ حابارلايدى ت ا س س اقپارات اگەنتتىگى.
بۇعان دەيىن ر ف ورتالىق سايلاۋ كوميسسياسى (و س ك) سەرگەي مالينكوۆيچ («كوممۋنيستى روسسي») پەن بوريس نادەجديندى («گراجدانسكايا ينيتسياتيۆا») سايلاۋعا تىركەۋدەن باس تارتقان بولاتىن.
تەك سلۋسكي، حاريتونوۆ، پۋتين جانە داۆانكوۆ 10-اقپاندا اياقتالاتىن تىركەۋ كەزەڭىنەن ءساتتى ءوتتى.
ەسكە سالا كەتەيىك، رەسەيدە پرەزيدەنتتىك سايلاۋ 2024 -جىلدىڭ 17-ناۋرىزىندا وتەدى. ر ف و س ك رەسەي فەدەراتسياسىنىڭ پرەزيدەنتتىگىنە ءوزىن-ءوزى ۇسىنعان كانديدات رەتىندە قازىرگى مەملەكەت باسشىسى ۆلاديمير پۋتيندى تىركەدى.
