رەسەي قازاقستاننان جەتكىزىلەتىن جۇمىرتقا كولەمىن كوبەيتۋدى سۇرادى
استانا. KAZINFORM - قازاقستان مەن رەسەي پرەمەر-مينيسترلەرىنىڭ ورىنباسارلارى سەرىك جۇمانعارين مەن الەكسەي وۆەرچۋك ەكىجاقتى ساۋدانىڭ وزەكتى ماسەلەلەرىن تالقىلادى.
كۇن تارتىبىندەگى ەڭ وزەكتى ماسەلەلەر - ءوزارا ساۋداداعى ءبىرقاتار شەكتەۋلەردى الىپ تاستاۋ جانە رەسەي-بەلارۋس شەكاراسىندا قازاقستاندىق تاسىمالداۋشىلاردى وتكىزۋ بولىپ وتىر.
تاراپتار رەسەيلىك شوشقا ەتىنىڭ رەسەي فەدەراتسياسىنان قازاقستان ارقىلى وتەتىن ترانزيتىنىڭ اشىلۋىنا جانە 2024-جىلعى 15- قاڭتاردان باستاپ رەسەي فەدەراتسياسىنا قازاقستاندىق مال شارۋاشىلىعى ونىمدەرىن جەتكىزۋگە قويىلعان شەكتەۋلەردىڭ الىنۋىن وڭ باعالادى.
قازىر ەكى تاراپ تا ۆەتەرينارياداعى كۇردەلى ماسەلەلەردى شەشۋگە مۇمكىندىك بەرەتىن اقپاراتتىق جۇيەلەردىڭ ينتەگراتسيالاۋىنا بەت بۇرىپ وتىر.
رەسەي تاراپى قازاقستانعا رەسەيدىڭ ساۋدا جەلىلەرىنە تاۋىق جۇمىرتقاسىن جەتكىزۋدى ارتتىرۋ جونىندە ءوتىنىش جاسادى.
سەرىك جۇمانعارين اۋىل شارۋاشىلىعى مينيسترلىگىنە اتالعان ماسەلەنى قىسقا مەرزىمدە قاراۋدى جانە قازاقستاندىق ءونىمدى رەسەي فەدەراتسياسىنىڭ شەكارالاس ايماقتارىنا جەتكىزۋدى ارتتىرۋ مۇمكىندىگىن ىزدەۋدى تاپسىردى.
سونداي-اق ونەركاسىپتىك قاۋىپسىزدىك ماسەلەلەرىندە شەشىم قابىلداۋدا يكەمدىلىك قاجەت ەكەنىن اتاپ ءوتتى.
قازاقستاندا وتاندىق قۇس فابريكالارىنىڭ جۇمىرتقامەن قامتاماسىز ەتۋ دەڭگەيى 2022-جىلى حالىق قاجەتتىلىگىنىڭ %102 قۇرادى.
2023-جىلدىڭ 11 ايىندا قازاقستان رەسەيگە، اۋعانستانعا جانە قىرعىزستانعا شامامەن 186,6 ميلليون دانا تاۋىق جۇمىرتقاسىن ەكسپورتتاعانىن ايتا كەتكەن ءجون.
2023-جىلعى 26- قاڭتارعا جوسپارلانعان ە ە ك كەڭەسىنىڭ وتىرىسى قارساڭىندا تاراپتار رەسەي-بەلارۋس شەكاراسىنداعى قازاقستاندىق جۇك كولىكتەرىنىڭ كەشىگۋ جاعدايىن رەتتەۋ ءۇشىن ماسكەۋدە كەڭەيتىلگەن قۇرامدا تاعى ءبىر ەكىجاقتى كەزدەسۋ وتكىزۋگە كەلىستى.
بەلگىلى بولعانداي، 2023-جىلدىڭ 12- جەلتوقسانىندا رەسەي مەن بەلارۋس ازاماتتارى بولىپ تابىلمايتىن ازاماتتار ءۇشىن «رۋدنيا» وتكىزۋ بەكەتىندەگى وتكەل تولىعىمەن جابىلدى، ال 2024-جىلدىڭ 8- قاڭتارىندا وسى اتالعان شەكتەۋ قالعان ەكى «قىزىل» جانە «قىزىل تاس» وتكىزۋ بەكەتتەرىنە دە تارالدى.
بۇگىنگى تاڭدا رەسەي تاراپىنىڭ كومەگىمەن رەسەي-بەلارۋس شەكاراسىنداعى جاعداي باسقا وتكىزۋ پۋنكتى ارقىلى جۇك اعىندارىن قايتا باعىتتاۋعا مۇمكىندىك بەردى.
كولىكتەردىڭ نەگىزگى بولىگى شەكارادان ءوتىپ ۇلگەردى.
ناۆيگاتسيالىق پلومبالاردى ەلەكتروندى تۇردە راسىمدەۋدى قاجەت ەتەتىن جۇكتەرمەن قيىندىقتار تۋىندادى.
تاراپتار جاعدايدى تەزىرەك شەشۋ ءۇشىن بارلىق قاجەتتى شارالاردى قابىلداۋعا كەلىستى.
كەلىسسوز ەەك كەڭەسىنىڭ وتىرىسى قارساڭىندا ماسكەۋدەگى ەكىجاقتى كەزدەسۋ شەڭبەرىندە جالعاسادى.
