رەسەي قازاقستانعا كەيبىر ارتىستەردىڭ كونسەرتىن وتكىزۋگە تىيىم سالعانى راس پا؟

سىرتقى ىستەر مينيسترلىگىنىڭ رەسمي وكىلى ايبەك سمادياروۆ رەسەيلىك ماكسيم گالكيننىڭ كونسەرتىنىڭ قازاقستاندا وتپەي قالۋىنا قاتىستى پىكىر ءبىلدىردى.

Фото: afisha.ru
Фото: из открытых источников

مەنىڭ ويىمشا، ماكسيم گالكيننىڭ (قازاقستاندا) كونسەرتىنىڭ وتپەۋىندە ساياسي استار جوق»، - دەدى رەسمي وكىل س ءى م- دە باسپا ءسوز ءماسليحاتىندا.

ب ا ق وكىلى الەۋمەتتىك جەلىدە تاراعان اقپاراتقا سايكەس، رەسەي تاراپىنان قازاقستاننىڭ رەسمي ورگاندارىنا كەيبىر ارتىستەردىڭ كونسەرتىن وتكىزۋگە تىيىم سالىنعان بولۋى ىقتيمال ەكەنىن جەتكىزدى.

ايبەك سمادياروۆ بۇل اقپارات شىندىققا جاناسپايتىنىن جەتكىزدى.

«مۇنداي حاتتىڭ جولدانعانىن ءبىرىنشى رەت ەستىپ تۇرمىن. ەگەر حات جولدانعان كۇننىڭ وزىندە كونسەرتتەردى وتكىزۋ نەمەسە وتكىزبەۋ ماسەلەسى قازاقستاننىڭ مادەنيەت سالاسىنداعى ورگانداردىڭ قۇزىرەتىندە. حالىق كىمدى تىڭداپ، كىمدى تىڭداعىسى كەلمەيتىنىن ءوزى شەشەدى. ونەر مەن مادەنيەت ساياساتتان تىس بولۋعا ءتيىس»، - دەدى رەسمي وكىل.

ەسكە سالايىق، بۇعان دەيىن استانادا 8- قازانعا جوسپارلانعان ماكسيم گالكيننىڭ كونسەرتى وتپەيتىنى حابارلانعان ەدى. تەحنيكالىق جۇمىستارعا بايلانىستى استاناداعى روزا باعلانوۆا اتىنداعى «قازاق كونسەرت» زالىندا جوسپارلانعان بىرنەشە كونسەرت وتپەيتىن بولدى.

2023-جىلعى قازاننىڭ 4-10 كۇندەرى ارالىعىندا «استانا سۋ ارناسى» م ك ك قالا اۋماعىندا، سونىڭ ىشىندە «روزا باعلانوۆا اتىنداعى «قازاق كونسەرت» مەملەكەتتىك كونسەرتتىك ۇيىمى» م ك ق ك ورنالاسقان «Qazaqstan» ورتالىق كونسەرت زالىنىڭ ماڭىنداعى اۋماقتا سۋ قۇبىرى جەلىلەرىندە تەحنيكالىق جۇمىستار جۇرگىزەتىنى حابارلانعان بولاتىن.

وسى كەزەڭدە سۋ بەرىلمەيتىنىنە بايلانىستى «روزا باعلانوۆا اتىنداعى «قازاق كونسەرت» م ك ۇ» م ك ق ك اكىمشىلىگى قوناقتاردى قابىلداۋعا جانە بۇل ارالىقتا كەز كەلگەن ءىس-شارانى وتكىزۋگە مۇمكىندىك بولمايتىنى تۋرالى حابارلايدى.

روزا باعلانوۆا اتىنداعى «قازاق كونسەرت» م ك ۇ- نىڭ جوسپارلانعان كونسەرتتەرى: 4- قازان - «حالىق قازىناسى» ۇلتتىق ونەر ورتالىعىنىڭ ءسوليسى ءاليحان دۇيسەنبايدىڭ كونسەرتى، 6- قازان - «حالىق قازىناسى» ۇلتتىق ونەر ورتالىعىنىڭ ءسوليسى ايزات قارابەكتىڭ كونسەرتى، 7- قازان - «قازاق كونسەرتتىڭ جاس تالانتتارى» كونسەرتى بولمايدى.

سونىمەن قاتار، 8- قازانعا جوسپارلانعان ماكسيم گالكين كونسەرتىنىڭ ۇيىمداستىرۋشىسى تەحنيكالىق جۇمىستار جۇرگىزىلۋى بويىنشا مەملەكەتتىك ورگاننىڭ اكتىسىنە سايكەس، تۋىنداعان جاعداي تۋرالى رەسمي تۇردە حابارلاندىرىلعانىن، كەلىسىم-شارتتى ءبىرجاقتى بۇزۋ تۋرالى ءتيىستى حابارلاما جولدانعانى حابارلاندى.

Massaget.kz

سوڭعى جاڭالىقتار