رەسەي مەكتەبىندە وقۋشى قىز قارۋدان وق جاۋدىردى: قازا تاپقاندار بار

  رەسەيدىڭ بريانسك قالاسىندا سەگىزىنشى سىنىپ وقۋشىسى قارۋدان وق جاۋدىردى.

اقپاراتقا سايكەس، وقيعا سالدارىنان ەكى ادام قازا بولىپ، تاعى تورتەۋى جاراقات العان. Kazinform اگەنتتىگى بۇل تۋرالى ت ا س س اقپارات اگەنتتىگىنە سىلتەمە جاساپ حابارلايدى.

وقيعا قالاداعى №5 گيمنازيادا بولدى. الدىن الا اقپاراتقا سەنسەك، قىز ءوزىن ءوزى ولتىرگەن.

«سەگىزىنشى سىنىپ وقۋشىسى مەكتەپكە قارۋ اكەلىپ، ودان بىرنەشە رەت وق جاۋدىردى»، - دەلىنگەن ءى ءى م ب تاراتقان مالىمدەمەدە.

وقيعا ورنىندا پوليتسيا قىزمەتكەرلەرى مەن جەدەل قىزمەت جۇمىس ىستەۋدە. وقيعانىڭ ءمان- جايى انىقتالىپ جاتىر.

ەسكە سالا كەتسەك، بۇل رەسەيدىڭ ءبىلىم مەكەمەلەرىندەگى العاشقى اتىس ەمەس.

2021-جىلى بەلگىسىز بىرەۋ پەرم مەملەكەتتىك ۋنيۆەرسيتەتى كورپۋستارىنىڭ بىرىندە ادامدارعا وق جاۋدىردى.

وقيعا سالدارىنان قازا بولعاندار بولدى.

بيىل بەلگىسىز ەكى ادام قازانداعى فايزي كوشەسىندەگى مەكتەپتە قارۋدان وق اتتى. ول كەزدە بىرنەشە ادام جاراقات العان.