رەسەي ۋكراينا داعدارىسىن رەتتەۋدى تالقىلاۋعا دايىن - شويگۋ

 رەسەي ۋكراينا داعدارىسىن جانجالدان كەيىن رەتتەۋ بويىنشا پىكىر الماسۋعا جانە ءارى قاراي باتىسپەن قاتار ءومىر سۇرۋگە دايىن، دەپ ءمالىم ەتتى ر ف قورعانىس ءمينيسترى سەرگەي شويگۋ. Kazinform بۇل تۋرالى تاسس اگەنتتىگىنە سىلتەمە جاساپ حابارلايدى. 

«قاجەتتى جاعداي جاسالسا ۋكراينا داعدارىسىن جانجالدان كەيىن رەتتەۋگە جانە ءارى قاراي باتىسپەن بىرلەسە ءومىر ءسۇرۋ جايلى ساياسي پىكىرتالاسقا دايىنبىز»، - دەدى ول X سيانشان قاۋىپسىزدىك فورۋمىندا سويلەگەن سوزىندە.

شويگۋ «بەيبىتشىلىك پەن جاھان تۇراقتىلىعىن ساقتاۋدا ەرەكشە جاۋاپكەرشىلىك جۇكتەلگەن يادرولىق الىپتار - بۇۇ قاۋىپسىزدىك كەڭەسىنىڭ تۇراقتى مۇشەلەرىمەن تەڭ قارىم-قاتىناستى قامتاماسىز ەتۋ ماڭىزدى ەكەنىن» اتاپ ءوتتى.

«ءادىل، كوپپوليارلى بەيبىت ءتارتىپ ورناتۋ ءۇشىن حالىقارالىق قاۋىپسىزدىك قۇرىلىمىن جاڭارتىپ، ونى بەرىك ەتۋ قاجەت. ول ءۇشىن مۇددەلەس ەلدەر كۇش بىرىكتىرۋى كەرەك»، - دەپ اتاپ ءوتتى مينيستر.

X سيانشان قاۋىپسىزدىك فورۋمى 29-قازاندا اشىلدى، 31-قازانعا دەيىن سوزىلادى.