رەسەي ارتىستەرى كونسەرتىنىڭ وتپەي قالۋى ساياساتقا قاتىستى ما - مينيستر جاۋابى
مادەنيەت جانە اقپارات ءمينيسترى ايدا بالايەۆا كورشى رەسەي ارتىستەرىنىڭ سوڭعى ۋاقىتتا كونسەرتتەرىنىڭ وتپەي قالۋىنا قاتىستى پىكىر ءبىلدىردى. ونىڭ ىشىندە م. گالكيننىڭ جەكە كونسەرتى دە بار، دەپ حابارلايدى قازاقپارات ءتىلشىسى.

«مەن بۇل ماسەلەنى ساياسيلاندىرعىم كەلمەيدى. ويتكەنى، كونسەرتتەر ۇيىمداستىرۋمەن كوممەرتسيالىق ۇيىمدار اينالىسادى. مەنى وتاندىق ارتىستەردىڭ، ونىڭ ىشىندە كونسەرتتەرگە دايىندالىپ جاتقان مادەنيەت قايراتكەرلەرىنىڭ كونسەرتتەرى نەگە وتپەيتىنى مازالايدى. م. گالكيننىڭ كونسەرتىنە قاتىستى تۇسىنىكتەمە بەرىلدى. كونسەرتتىڭ وتپەۋى ساياساتپەن نەمەسە جەكە ماسەلەلەرمەن بايلانىستى ەمەس»، - دەدى ايدا بالايەۆا ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
سونداي-اق، مينيستر مادەنيەت پەن ونەردىڭ ساياساتتان تىس ەكەنىن ايتتى.
«كەز-كەلگەن جانرداعى بارلىق ورىنداۋشىلاردىڭ ميسسياسى، ەڭ الدىمەن، حالىققا رۋحاني جانە مادەني تۇرعىدان ازىق بەرۋ. مەن مۇندا ەشقانداي سۋبتەكست كورىپ تۇرعان جوقپىن، ماسەلە تالقىلاۋعا جاتپايتىن سياقتى»، - دەيدى ا. بالايەۆا.