رەسەي ا ق ش- تىڭ ۋكراينا بويىنشا كەللىسسوزدەردەن شىعۋ مۇمكىندىگىنە پىكىر ءبىلدىردى

استانا. KAZINFORM - ر ف سىرتقى ىستەر ءمينيسترى سەرگەي لاۆروۆ امەريكالىق CBS كومپانياسىنا بەرگەن سۇحباتىندا نازاردى كەلىسسوزدەردىڭ بولماي قالۋ مۇمكىندىگىنە ەمەس، ناقتى فاكتىلەرگە اۋدارۋ كەرەكتىگىن ايتتى.

وسىعان دەيىن ا ق ش مەملەكەتتىك حاتشىسى ماركو رۋبيو رەسەي مەن ۋكراينا اراسىنداعى كەلىسىمگە جاقىن كۇندەرى قول قويىلۋى كەرەك، ولاي بولماعان كۇندە ۆاشينگتوننىڭ كەلىسسوزدەر پروتسەسىنەن شىعاتىنىن ايتقان بولاتىن.

- ءبىز ولاردىڭ شىدامسىزدىق تانىتۋىن تۇسىنەمىز، امەريكالىق مادەنيەت بويىنشا ءسىز ەلدى كۇتتىرەسىز جانە وسى ارقىلى جاعدايدى ۋشىقتىراسىز. بۇل ناقتى ساياساتپەن اينالىسۋعا مۇمكىندىك بەرمەيدى، - دەدى لاۆروۆ.

ول سونىمەن قاتار «ءبىزدىڭ جاعدايىمىزدا (بۇعان دەيىن دە ايتتىم) ءبىز ديالوگقا، كەلىسسوزدەرگە ءاردايىم دايىنبىز، ءبىز ساتسىزدىككە ءۇمىر ارتپاس ەدىك»، دەدى.

ايتا كەتەيىك، ريم پاپاسىن جەرلەۋ ءراسىمى بارىسىندا ا ق ش پرەزيدەنتى دونالد ترامپپەن كەزدەسكەن سوڭ ۋكراينا پرەزيدەنتى ريمدە فرانسيا پرەزيدەنتى ەمانيۋەل ماكرون، ۇلى بريتانيا پرەمەر-ءمينيسترى كير ستارمەرمەن جۇزدەستى.