رەسپۋبليكانىڭ باسىم بولىگىندە جاۋىن جاۋادى

استانا. KAZIFORM - «قازگيدرومەت» ر م ك-سى ءساۋىردىڭ 10 ى كۇنگى كۇن رايى بولجامىن جاريالادى.

كاسىپورىننىڭ حابارلاۋىنشا، اتموسفەرالىق فرونتالدى بولىكتەردىڭ وتۋىنە وراي قازاقستان اۋماعىنىڭ باسىم بولىگىندە كۇن قۇبىلمالى بولادى، نايزاعاي ويناپ، جاڭبىر جاۋادى، تۇندە ەلدىڭ باتىسىندا، شىعىسىندا جاڭبىر مەن قار جاۋادى. تەك رەسپۋبليكانىڭ ورتالىعىندا كۇن جاۋىن- شاشىنسىز بولادى. رەسپۋبليكا بويىنشا جەل كۇشەيىپ، شاڭدى داۋىل تۇرادى، ەلدىڭ وڭتۇستىگىندە، شىعىسىندا داۋىل تۇرادى.

وسىعان دەيىن اقتوبەدە جىلۋ ماۋسىمى قاشان اياقتالاتىنى بەلگىلى بولدى.

اقتوبە قالاسىندا جىلۋ 20-ساۋىردەن باستاپ سوندىرىلەدى. الدىمەن تۇرعىن ۇيلەردەن باستالادى.