رەسپۋبليكالىق ماڭىزى بار جولدارداعى احۋال قانداي

2026 -جىلعى 2 - اقپان ساعات 08:00 دەگى جاعداي بويىنشا، اۋا رايىنىڭ ناشارلاۋىنا بايلانىستى رەسپۋبليكالىق ماڭىزى بار اۆتوجولداردىڭ كەلەسى ۋچاسكەلەرىندە كولىك قوزعالىسى شەكتەلدى:

باتىس قازاقستان وبلىسى

• «اقتوبە - ورال - ر ف شەكاراسى» اۆتوجولىنىڭ 273-393-شاقىرىمى (بارباستاۋ اۋىلى - جىمپيتى اۋىلى ۋچاسكەسى)؛
• «اتىراۋ - ورال» اۆتوجولىنىڭ 371-492-شاقىرىمى (چاپايەۆ اۋىلى - ورال قالاسى ۋچاسكەسى).

قىزىلوردا وبلىسى

• «ر ف شەكاراسى - مارتوك - اقتوبە - قارابۇتاق - قىزىلوردا - شىمكەنت - تاراز - قورداي - الماتى - قورعاس - ق ح ر شەكاراسى» اۆتوجولىنىڭ 1522-1806-شاقىرىمى (№99 ستانتسيادان قىزىلوردا قالاسىنا دەيىن).

جولدار شامامەن 2026 -جىلعى 2 - اقپان ساعات 12:00 دە اشىلادى.

پاۆلودار وبلىسى

• «استانا - شىدەرتى - پاۆلودار - ۋسپەنكا - ر ف شەكاراسى» اۆتوجولىنداعى كوپىر وتكەلىنىڭ شەتكى ارقالىقتارى زاقىمدانۋىنا بايلانىستى «قالقامان» جول ايرىعى ۋچاسكەسى - قالقامان اۋىلىنا كىرەبەرىس جانە استانا باعىتىنا شىعاتىن جول جابىلدى.

شىعىس قازاقستان وبلىسى

• وسينوۆ اسۋىندا تىركەمەسى بار جانە جارتىلاي تىركەمەلى جۇك كولىكتەرىنىڭ قوزعالىسى ۋاقىتشا شەكتەلدى. شەكتەۋ «وسكەمەن - التاي - كاتونقاراعاي - راحمان قاينارى» اۆتوجولىنىڭ 46-66-شاقىرىمىنداعى (سيەۆەرنوە اۋىلى - سەرەبريانسك قالاسى) ۋچاسكەسىندە قىس اياقتالعانشا ساقتالادى.

ەسكە سالايىق، سينوپتيكتەر 2-اقپاندا قازاقستاننىڭ 15 وبلىسىندا داۋىلدى ەسكەرتۋ جاريالادى.