رەسپۋبليكا كۇنىنە وراي نيۋ-يوركتە قازاقستان تۋى كوتەرىلدى
استانا. KAZINFORM - رەسپۋبليكا كۇنىنە وراي ءداستۇر بويىنشا مانحەتتەننىڭ قارجى ورتالىعىندا قازاقستان رەسپۋبليكاسىنىڭ مەملەكەتتىك تۋىن كوتەرۋ ءراسىمى ءوتتى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.
ءىس-شارا 25-قازان كۇنى تويلاناتىن قازاقستاننىڭ رەسپۋبليكا كۇنى قارساڭىندا، 22 -قازاندا ۋولل-ستريتتە ءوتتى.
Instagram دا جاريالانعان بەينەجازبادا امەريكانىڭ ءىرى مەگاپوليسىندە تۇراتىن قازاقتار، سونداي-اق جەرگىلىكتى بيلىك ورگاندارى مەن نيۋ-يوركتەگى قازاقستان باس كونسۋلدىعىنىڭ وكىلدەرى بار.
نيۋ-يوركتىڭ سيمۆولدىق ءمانى بار ورىندارىنىڭ بىرىندە كوك تۋدىڭ كوتەرىلۋى دوستىقتىڭ، قۇرمەتتىڭ جانە قازاقستان مەن ا ق ش اراسىنداعى ديپلوماتيالىق قارىم-قاتىناستاردىڭ نىعايۋىنىڭ بەلگىسى ەكەنى ايتىلدى.
ايتا كەتەيىك، رەسپۋبليكا كۇنىنە وراي مانحەتتەننىڭ قارجى ورتالىعىندا قازاقستان تۋىن كوتەرۋ يگى داستۇرگە اينالعان.
بۇعان دەيىن قازاقستان تۋى بريۋسسەلدەگى گران-پلاستا العاش رەت كوتەرىلگەنىن حابارلاعان ەدىك.
