«رەسپۋبليكا» ءسوزىن كىمدەر اتاۋىنا ارقاۋ ەتىپ ءجۇر

استانا. KAZINFORM - رەسپۋبليكا ءسوزىنىڭ قازاق حالقى ءۇشىن قادىرى ارتقان كەز 1990-جىلدان باستاۋ الادى. الاش تانۋشى عالىم سۇلتانحان اقق ۇلىنىڭ سوزىمەن ايتساق، وسى جىلدىڭ 25-قازانىندا قازاقستاننىڭ ەگەمەندىگى قالپىنا كەلتىرىلگەن بولاتىن.

70 جىلعا جۋىق ۋاقىت بويى ك س ر و- نى ورتاق ءۇيىمىز دەپ كەلگەن قازاقستاندىقتار ەگەمەندىك جاريالانعان ساتتەن باستاپ وزدەرىن جەكە رەسپۋبليكاسى بار تولىققاندى ازامات رەتىندە سەزىنۋگە مۇمكىندىك الدى. وسىناۋ تاريحي وزگەرىستىڭ قوعامدا قانداي ءىز قالدىرعانىن ونوماستيكالىق تاڭبالار مەن زاڭدى تۇلعالاردىڭ اتاۋىنان زەرتتەپ كوردىك.

پارتيا، كوفەحانا، قوعامدىق قور

ادىلەت مينيسترلىگىنىڭ مالىمەتىنە سۇيەنسەك، 2024-جىلدىڭ 16-قازانىنداعى جاعداي بويىنشا قازاقستان اۋماعىندا اتاۋىندا «رەسپۋبليكا» ءسوزى بار 29 زاڭدى تۇلعا تىركەلگەن. ولار:

«كوفە رەسپۋبليكاسى» جاۋاپكەرشىلىگى شەكتەۋلى سەرىكتەستىگى

«رەسپۋبليكا داڭعىلى، 26» كوپپاتەرلى تۇرعىن ءۇي مۇلكى مەنشىك يەلەرىنىڭ بىرلەستىگى

«Respublika Foundation» قايىرىمدىلىق قورى» قوعامدىق قورى

«Respublika House» مۇلىك يەلەرىنىڭ بىرلەستىگى

«شىمكەنت، رەسپۋبليكا داڭعىلى، 48، 8-پاتەر» مۇلىك يەلەرىنىڭ بىرلەستىگى

«شىمكەنت، رەسپۋبليكا داڭعىلى، 25 ج.، 9-پاتەر» مۇلىك يەلەرىنىڭ بىرلەستىگى

«رەسپۋبليكا-2000» قوعامدىق بىرلەستىگى

«ايتىس فەدەراتسياسى قازاقستان رەسپۋبليكاسى» قوعامدىق بىرلەستىگى

«ەكىنشى رەسپۋبليكا» قوعامدىق قورى

«قۇقىق رەسپۋبليكا» جاۋاپكەرشىلىگى شەكتەۋلى سەرىكتەستىگى

«رەسپۋبليكالىق قۇقىق» جاۋاپكەرشىلىگى شەكتەۋلى سەرىكتەستىگى

«Respublica» پارتياسى» قوعامدىق بىرلەستىگى

«رەسپۋبليكا داڭعىلى، 11 ءۇي» مۇلىك يەلەرىنىڭ بىرلەستىگى

«رەسپۋبليكا داڭعىلى، 10/1 ءۇي» مۇلىك يەلەرىنىڭ بىرلەستىگى

«رەسپۋبليكا-ءوڭىر-دامۋ» قوعامدىق قورى

«رەسپۋبليكا داڭعىلى، 40 ءۇي» مۇلىك يەلەرىنىڭ بىرلەستىگى

«قۇقىقتىق رەسپۋبليكا» جاۋاپكەرشىلىگى شەكتەۋلى سەرىكتەستىگى

«شىمكەنت، رەسپۋبليكا داڭعىلى، 46- ءۇي، 28-پاتەر» مۇلىك يەلەرىنىڭ بىرلەستىگى

«رەسپۋبليكا» باسقارۋشى كومپانياسى» جاۋاپكەرشىلىگى شەكتەۋلى سەرىكتەستىگى

«قازاق رەسپۋبليكاسى» جاۋاپكەرشىلىگى شەكتەۋلى سەرىكتەستىگى

«Kazakhstan republic mineral resources (قازاقستان رەسپۋبليكاسى مينەرال رەسۋرس) جاۋاپكەرشىلىگى شەكتەۋلى سەرىكتەستىگى

«استانا، رەسپۋبليكا داڭعىلى، 30- ءۇي» مۇلىك يەلەرىنىڭ بىرلەستىگى

«رەسپۋبليكا-16» مۇلىك يەلەرىنىڭ بىرلەستىگى

«وتانىم - قازاقستان رەسپۋبليكاسى» ۇلگىلى تۇرعىن ءۇي كەشەندەرى» جاۋاپكەرشىلىگى شەكتەۋلى سەرىكتەستىگى

«رەسپۋبليكا» قۇرىلىس كومپانياسى» جاۋاپكەرشىلىگى شەكتەۋلى سەرىكتەستىگى

«رەسپۋبليكا» قارجى حولدينگى» اكسيونەرلىك قوعامى

«رەسپۋبليكا، 9» مۇلىك يەلەرىنىڭ بىرلەستىگى

«استانا، رەسپۋبليكا داڭعىلى، 21- ءۇي» مۇلىك يەلەرىنىڭ بىرلەستىگى

«رەسپۋبليكا 14» جاۋاپكەرشىلىگى شەكتەۋلى سەرىكتەستىگى.

زاڭدى تۇلعا دەگەننەن شىعادى، Respublika اتىمەن ەلگە كەڭ تانىلعان قوعامدىق قوزعالىس بولعانىن ەل جاقسى بىلەدى. قوزعالىستىڭ بەلسەندىسى بەللا ورىنبەتوۆاعا حابارلاسقانىمىزدا ول ۇيىمدى رەسمي تىركەۋ سول كۇيى مۇمكىن بولماعانىن، قازىر جۇمىسىن توقتاتقانىن ايتتى.

«رەسپۋبليكا» برەندى

ادىلەت مينيسترلىگىنىڭ دەرەگى بويىنشا «ا ح ا ج تىركەۋ پۋنكتى» اقپاراتتىق جۇيەسىنە تەگىندە، اكەسىنىڭ اتىندا نەمەسە ءوز ەسىمىندە «رەسپۋبليكا» ءسوزى بار قازاقستاندىق تىركەلمەگەن. ۇلتتىق ستاتيستيكا بيۋروسىنان دا وسىنداي جاۋاپ الدىق. دەمەك، ەشبىر قازاقستاندىقتىڭ ەسىم-سويىندا «رەسپۋبليكا» ءسوزى كوزدەسپەيدى دەگەن ءسوز.

«ۇلتتىق زياتكەرلىك مەنشىك قۇقىعى» رەسپۋبليكالىق مەملەكەتتىك كاسىپورنى ادىلەت مينيسترلىگىنە ۇسىنعان اقپاراتقا سەنسەك، تاۋار بەلگىلەرىنىڭ مەملەكەتتىك تىزىلىمىندە اتاۋىندا «رەسپۋبليكا» ءسوزى قورعالمايتىن ەلەمەنت رەتىندە كەزدەسەتىن 57 تاۋار بەلگىسى تىركەلگەن.

سونىمەن قاتار، تاۋار بەلگىلەرىنىڭ مەملەكەتتىك تىزىلىمىندە «رەسپۋبليكا» ءسوزىن عانا اتاۋ ەتىپ العان 3 تاۋار بەلگىسى تىركەلگەن.

رەسپۋبليكا بويىمەن...

مادەنيەت جانە اقپارات مينيسترلىگىنىڭ جاۋابى «رەسپۋبليكا» اتاۋىن ۇلىقتاۋ ماقساتىندا ەلىمىزدە ءبىرقاتار شارا جۇزەگە اسىرىلدى»، - دەگەن سويلەممەن باستالادى.

مينيسترلىك مالىمەتى بويىنشا، «رەسپۋبليكا» اتاۋى:

29 كوشەگە (پاۆلودار، اباي، اتىراۋ، قىزىلوردا، اقمولا، جەتىسۋ، قوستاناي، اقتوبە، قاراعاندى، شىعىس قازاقستان، باتىس قازاقستان، سولتۇستىك قازاقستان وبلىستارى)

5 داڭعىلعا (استانا، شىمكەنت قالالارى مەن اقمولا، قاراعاندى وبلىستارى)

1 الاڭعا (الماتى قالاسى)

2 سكۆەرگە (قاراعاندى وبلىسى) بەرىلگەن.

«اتاۋىندا «رەسپۋبليكا» ءسوزى بار قۇرامداس بولىكتەر: قازاقستان رەسپۋبليكاسىنىڭ تاۋەلسىزدىگىنە 20 -جىل كوشەسى (باتىس قازاقستان وبلىسى)، رەسپۋبليكا كۇنى كوشەسى (سولتۇستىك قازاقستان وبلىسى)، 2 كوشە - قازاقستان رەسپۋبليكاسى كوشەسى (الماتى جانە باتىس قازاقستان وبلىستارى)، «قازاقستان رەسپۋبليكاسىنىڭ تۇڭعىش پرەزيدەنتى» الاڭى (باتىس قازاقستان وبلىسى)»، - دەپ جازىلعان مينيسترلىك جاۋابىندا.