08:38, 13 - قاراشا 2024 | GMT +6
رەسپۋبليكا بويىنشا تۇمان ءتۇسىپ، جەل كۇشەيەدى، قار جاۋادى - قازگيدرومەت
استانا. KAZINFORM -«قازگيدرومەت» قازاقستان ايماقتارىندا بولاتىن قاۋىپتى مەتەورولوگيالىق قۇبىلىستارعا بولجاۋ كونسۋلتاتسياسىن جاريالادى.
اتموسفەرالىق اعىنداردىڭ وتۋىمەن قازاقستان اۋماعىنىڭ باسىم بولىگىندە بۇرقاسىنداتىپ، قار جاۋادى، ەلدىڭ وڭتۇستىگىندە، وڭتۇستىك-شىعىسىندا جاڭبىر مەن قار، ەلدىڭ وڭتۇستىك-باتىسىندا جاڭبىر جاۋۋى ىقتيمال.
رەسپۋبليكانىڭ شىعىسىندا قاتتى قار جاۋۋى بولجانادى. رەسپۋبليكا بويىنشا تۇمان ءتۇسىپ، جەل كۇشەيەدى، ەلدىڭ وڭتۇستىك- شىعىسىندا، شىعىسىندا كوكتايعاق كۇتىلەدى.
وسىعان دەيىن الماتى اكىمدىگى اۋا رايىنا بايلانىستى تۇرعىندارعا ۇندەۋ جاساعانىن جازدىق.
