رەسپۋبليكا بويىنشا جەل كۇشەيىپ، تۇمان تۇسەدى - قازگيدرومەت

استانا. KAZINFORM - «قازگيدرومەت» ر م ك-سى ەلىمىزدىڭ وڭىرلەرىندە 12-قىركۇيەك كۇنى بولاتىن اۋا رايى بولجامىن جاريالادى.

كاسىپورىن تاراتقان دەرەكتەرگە قاراعاندا، باياۋ جىلجيتىن انتيسيكلون اسەرىنەن قازاقستاننىڭ باسىم بولىگىندە كۇن نەگىزىنەن جاۋىن-شاشىنسىز بولادى. تەك ەلىمىزدىڭ شىعىسىندا فرونتالدى بولىكتەر اسەرىنەن جاڭبىر جاۋاتىن بولادى. رەسپۋبليكا بويىنشا جەل كۇشەيىپ، ەلدىڭ باتىسى مەن وڭتۇستىگىندە شاڭدى داۋىل تۇرادى، سولتۇستىگىندە، ورتالىعىندا، وڭتۇستىك-شىعىسىندا تۇنگى جانە تاڭعى ساعاتتاردا تۇمان تۇسەدى.

ۇلىتاۋ وبلىسىندا، جەتىسۋ وبلىسىنىڭ باتىسىندا، باتىس قازاقستان وبلىسىنىڭ سولتۇستىگىندە، سولتۇستىك-شىعىسىندا، قىزىلوردا وبلىسىنىڭ سولتۇستىك-شىعىسىندا، الماتى وبلىسىنىڭ باتىسىندا، سولتۇستىگىندە، جامبىل وبلىسىنىڭ وڭتۇستىك-باتىسىندا، وڭتۇستىك-شىعىسىندا، قاراعاندى وبلىسىنىڭ باتىسىندا، شىعىسىندا، ورتالىعىندا، شىعىس قازاقستان وبلىسىنىڭ باتىسىندا، قوستاناي وبلىسىنىڭ وڭتۇستىگىندە جوعارى ءورت قاۋپى ساقتالادى، اقتوبە وبلىسىندا جوعارى ءورت قاۋپى كۇتىلەدى.

قىزىلوردا، تۇركىستان، جامبىل، اتىراۋ، ماڭعىستاۋ، باتىس قازاقستان وبلىستارىندا، قاراعاندى وبلىسىنىڭ شىعىسىندا، الماتى وبلىسىنىڭ ورتالىعىندا، ۇلىتاۋ وبلىسىنىڭ سولتۇستىگىندە، وڭتۇستىگىندە، اباي وبلىسىنىڭ باتىسىندا، سولتۇستىك- باتىسىندا، وڭتۇستىگىندە، جەتىسۋ وبلىسىنىڭ سولتۇستىگىندە توتەنشە ءورت قاۋپى ساقتالادى، اقتوبە وبلىسىنىڭ وڭتۇستىگىندە توتەنشە ءورت قاۋپى كۇتىلەدى.