رەسپۋبليكا بويىنشا جەل كۇشەيىپ، 6 وڭىردە كۇن قاتتى ىسيدى - قازگيدرومەت
استانا. KAZINFORM - «قازگيدرومەت» ر م ك- سى ماۋسىمنىڭ 22 ءسى كۇنگى كۇن رايى بولجامىن جاريالادى.
كاسىپورىننىڭ بولجامىنا قاراعاندا، بۇگىن ەلىمىزدىڭ باسىم بولىگىندە كۇن ءالى دە قۇبىلىپ تۇرادى، اتموسفەرالىق اعىنداردىڭ وتۋىنە وراي جاڭبىر جاۋىپ، نايزاعاي وينايدى، كۇندىز ەلدىڭ باتىسىندا، وڭتۇستىك-شىعىسىنداعى تاۋلى اۋدانداردا نوسەر جاڭبىر جاۋادى، باتىستا، سولتۇستىكتە بۇرشاق جاۋادى، سونداي-اق رەسپۋبليكا بويىنشا جەل كۇشەيەدى دەپ كۇتىلۋدە. تەك شىعىستا، ورتالىقتا كۇن جاۋىن-شاشىنسىز بولادى.
كۇندىز اباي، جەتىسۋ، قىزىلوردا وبلىستارىندا، اقتوبە وبلىسىنىڭ وڭتۇستىگىندە، شىعىسىندا، تۇركىستان وبلىسىنىڭ وڭتۇستىگىندە، ءشولدى اۋداندارىندا، ۇلىتاۋ وبلىسىنىڭ باتىسىندا، ورتالىعىندا قاتتى ىستىق بولادى.
اقتوبە، الماتى وبلىستارىندا، ۇلىتاۋ وبلىسىنىڭ سولتۇستىگىندە، شىعىسىندا، اباي وبلىسىنىڭ سولتۇستىگىندە، قاراعاندى وبلىسىنىڭ باتىسىندا، ورتالىعىندا، باتىس قازاقستان وبلىسىنىڭ سولتۇستىگىندە، ورتالىعىندا، اقمولا وبلىسىنىڭ باتىسىندا، وڭتۇستىگىندە، شىعىس قازاقستان وبلىسىنىڭ وڭتۇستىگىندە، قىزىلوردا وبلىسىنىڭ سولتۇستىك-شىعىسىندا، ماڭعىستاۋ وبلىسىنىڭ باتىسىندا، سولتۇستىك-شىعىسىندا، جەتىسۋ وبلىسىنىڭ سولتۇستىگىندە، شىعىسىندا جوعارى ءورت قاۋپى ساقتالادى. پاۆلودار وبلىسىنىڭ شىعىسىندا جوعارى ءورت قاۋپى ساقتالادى.
اتىراۋ، تۇركىستان، جامبىل، قىزىلوردا، الماتى، ۇلىتاۋ وبلىستارىندا، باتىس قازاقستان وبلىسىنىڭ وڭتۇستىك-باتىسىندا، وڭتۇستىگىندە، اقتوبە وبلىسىنىڭ باتىسىندا، وڭتۇستىگىندە، قوستاناي، قاراعاندى، اباي وبلىستارىنىڭ وڭتۇستىگىندە، جەتىسۋ وبلىسىنىڭ شىعىسىندا، ماڭعىستاۋ وبلىسىنىڭ سولتۇستىگىندە، وڭتۇستىك-شىعىسىندا، ورتالىعىندا توتەنشە ءورت قاۋپى ساقتالادى.
