رۋمىنيا پارلامەنتىنىڭ دەپۋتاتىنا ارىپتەسىنىڭ ەرىنىن تىستەپ العانى ءۇشىن ايىپپۇل سالىندى

استانا. KAZINFORM - سەيسەنبى كۇنى رۋمىنيا پارلامەنتىندە دەپۋتات فلورين رومان مەن ونىڭ ارىپتەسى دان ۆىلچانۋ اراسىندا جانجال شىقتى.

پارتيا دەپۋتاتى فلورين رومان ارىپتەسى دان ۆىلچانۋ پلەنارلىق ءماجىلىس زالىنان شىققان كەزدە وعان شابۋىل جاساعانىن ايتتى.

ف. روماننىڭ ايتۋىنشا، شابۋىلداۋشى ونىڭ دەنەسى مەن بەتىنەن ۇرعان. سونىمەن قاتار، د. ۆىلچانۋ ونى تىستەپ، موينىنان قىلقىندىرماق بولعان.

ف. رومان دەپۋتاتتى جازالاۋ جانە وعان قارسى قىلمىستىق ءىس قوزعاۋ تۋرالى ءوتىنىش جاسادى.

پارلامەنت بەينەكامەرالارى تۇسىرگەن كادرلارعا قاراعاندا، دان ۆىلچانۋ مەن فلورين رومان اراسىنداعى وقيعا پلەنارلىق ءماجىلىس زالىنىڭ فويەسىندە بولعان. ولار ءبىر-ءبىرىن يتەرىپ جىبەرەدى، ال د. ۆىلچانۋ ليبەرالدى موينىنان ۇستاپ بەتىنەن تىستەۋگە تىرىسادى.

تاۋەلسىز دەپۋتات د. ۆىلچانۋ سەيسەنبى كۇنى جانجال تۋرالى مالىمدەمە بەرمەيتىنىن ايتتى.

دەپۋتاتتار پالاتاسىنىڭ زاڭ كوميتەتى دەپۋتات د. ۆىلچانۋعا بارىنشا سانكسيالار سالدى.

ورگان شابۋىلداۋشى پارلامەنتاري 6 اي بويى %50 دان تومەن جاردەماقى الادى جانە 3 اي بويى ءار پلەنارلىق وتىرىستا 10 سەكۋندتان ارتىق سويلەي المايدى دەپ شەشتى.

اۆتور
ەركەجان سماعۇلوۆا