پرەمەر-مينيستر قالاي تاعايىندالادى

 استانا. KAZINFORM -پرەزيدەنت كەڭەسشىسى -باسپا ءسوز حاتشىسى بەرىك ءۋالي ۇكىمەت باسشىسىن تاعايىنداۋ ءراسىمى جونىندە پىكىر ءبىلدىردى.

ونىڭ ايتۋىنشا، كونستيتۋتسياعا سايكەس پرەزيدەنت قاسىم-جومارت توقايەۆ Amanat پارتياسى ۇسىنعان كانديداتۋرانى قارايدى.

«مەملەكەت باسشىسى ۇسىنىلعان كانديداتۋرانى ماقۇلداعان جاعدايدا، كەلىسىم الۋ ءۇشىن ونى پارلامەنت ءماجىلىسىنىڭ قاراۋىنا ەنگىزەدى. ءماجىلىس كەلىسىم بەرسە، پرەزيدەنت جاڭا پرەمەر-ءمينيستردى تاعايىندايدى. سودان كەيىن قازاقستان رەسپۋبليكاسى ۇكىمەتىنىڭ قۇرامىن جاساقتاۋ پروتسەسى باستالادى»، - دەيدى بەرىك ءۋالي.

بۇعان دەيىن حابارلاعانىمىزداي، 7-اقپان كۇنى مەملەكەت باسشىسى قاسىم-جومارت توقايەۆتىڭ توراعالىعىمەن ۇكىمەتتىڭ كەڭەيتىلگەن وتىرىسى وتەدى.

بۇگىن قازاقستان ۇكىمەتى وتستاۆكاعا كەتتى.