22:30, 10 - ءساۋىر 2024 | GMT +5
پرەمەر-مينيستر مەن ۇكىمەت مۇشەلەرى اتىنان جالعان اقپارات تاراپ جاتىر
استانا. KAZINFORM - ۇكىمەتتىڭ باسپا ءسوز قىزمەتى وسىنداي مالىمدەمە جاسادى.
«ق ر ۇكىمەتىنىڭ باسپا ءسوز قىزمەتى مەسسەندجەرلەردە قاراجات اۋدارۋ تۋرالى ءوتىنىش ايتىلعان پرەمەر-ءمينيستردىڭ جانە ۇكىمەت مۇشەلەرىنىڭ اتىنان اقپارات تاراتىلىپ جاتقانىن حابارلايدى. بۇل - جالعان اقپارات. ونى ينتەرنەت-الاياقتار تاراتىپ وتىر.
جالعان اقپاراتقا سەنبەۋگە، قاراجات اۋدارماۋعا جانە كۇماندى سىلتەمەلەرگە وتپەۋگە شاقىرامىز»، - دەلىنگەن ۇكىمەتتىڭ دەرەگىندە.
قۇقىق قورعاۋ ورگاندارى الاياقتىق ارەكەتتەر جاساپ جاتقان ادامداردى انىقتاۋ جانە جاۋاپكەرشىلىككە تارتۋ بويىنشا جۇمىس جۇرگىزۋدە.
