پرەمەر- مينيستر ۋكراينا توڭىرەگىندەگى جاعدايعا بايلانىستى شۇعىل جيىن وتكىزدى

استانا. KAZINFORM - پرەمەر- مينيستر ولجاس بەكتەنوۆ ۋكراينا توڭىرەگىندەگى جاعدايعا بايلانىستى قورعانىس، ىشكى ىستەر، توتەنشە جاعدايلار، سىرتقى ىستەر، دەنساۋلىق ساقتاۋ، كولىك، ەنەرگەتيكا، ونەركاسىپ جانە قۇرىلىس، ۇلتتىق ەكونوميكا، قارجى مينيسترلىكتەرىنىڭ باسشىلىعىمەن مەملەكەت باسشىسىنىڭ نەگىزگى اسكەري جانە ازاماتتىق وبەكتىلەردىڭ قاۋىپسىزدىگىن قامتاماسىز ەتۋ جونىندە شۇعىل شارالار قابىلداۋ تۋرالى تاپسىرمالارىن ورىنداۋ جونىندە جەدەل كەڭەس وتكىزدى. بۇل تۋرالى ق ر ۇكىمەتى حابارلادى.

پرەمەر- مينيستر قورعانىس ءمينيسترى رۋسلان جاقسىلىقوۆتىڭ ستراتەگيالىق جانە ينفراقۇرىلىمدىق وبەكتىلەردى قورعاۋدى قامتاماسىز ەتۋ بويىنشا جۇرگىزىلىپ جاتقان جۇمىستار تۋرالى مالىمەتتەرىن تىڭداپ، مەملەكەتتىك ورگانداردىڭ ءىس- قيمىلدارىن كۇشەيتۋگە باعىتتالعان ءبىرقاتار مىندەتتەر قويدى. تۇراقتىلىق پەن قوعامدىق ءتارتىپتى ساقتاۋ، كولىك قاتىناسىنىڭ قاۋىپسىزدىگى، دەنساۋلىق ساقتاۋ وبەكتىلەرىنىڭ قىزمەتى جانە باسقا دا ماسەلەلەرگە نازار اۋدارىلدى.

ۋاكىلەتتى قۇرىلىمداردىڭ باسشىلىعىنا پرەزيدەنتتىڭ قاۋىپسىزدىكتى قامتاماسىز ەتۋ جونىندەگى تاپسىرمالارىنىڭ ورىندالۋىن ەرەكشە باقىلاۋدا ۇستاۋ جانە جاعدايدىڭ وزگەرۋى تۋرالى شۇعىل رەجيمدە بايانداۋ تاپسىرىلدى.

ەسكە سالا كەتەيىك، بۇعان دەيىن مەملەكەت باسشىسى ۋكرايناداعى احۋالدىڭ ۋشىعۋىنا بايلانىستى ەلىمىزدەگى ءتيىستى قۇرىلىمدارعا شۇعىل شارالار قابىلداۋدى تاپسىرعان ەدى. بۇل تۋرالى ق ر پرەزيدەنتىنىڭ كەڭەسشىسى - پرەزيدەنتتىڭ باسپاءسوز حاتشىسى بەرىك ءۋالي مالىمدەگەن بولاتىن.