ەرمەك مارجىقپايەۆ بەيجىڭدە ءسابيدىڭ تۇساۋىن كەستى
بەيجىڭ. KAZINFORM - تۋريزم جانە سپورت ءمينيسترى ەرمەك مارجىقپايەۆ بەيجىڭدە قازاق ءداستۇرى بويىنشا ءسابيدىڭ تۇساۋىن كەستى.
بۇگىن بەيجىڭدە قىتايداعى قازاقستاننىڭ تۋريزم جىلىنىڭ رەسمي اشىلۋ سالتاناتى ءوتىپ جاتىر. وسى ورايدا تۋريزم جانە سپورت ءمينيستىرى ەرمەك مارجىقپايەۆ قازاقى سالت بويىنشا ءسابيدىڭ تۇساۋىن كەسىپ، قولونەرشىلەردىڭ دايىنداعان ۇلتتىق بۇيىمدارمەن تانىسىپ، ناۋرىز كوجەدەن ءدام تاتتى.
سونداي-اق فورۋمعا قاتىسۋشىلار ءۇشىن بىرەگەي كورمە دە ۇيىمداستىرىلدى. وندا قوناقتار قازاقستاننىڭ بارلىق 17 ايماعىنىڭ كورىكتى جەرلەرىمەن تانىسىپ جاتىر.
فورۋم سوڭىندا قازاقستاندىق جانە قىتايلىق تاراپتار اراسىندا ءبىرقاتار مەموراندۋمعا قول قويىلدى.
ەستەرىڭىزگە سالا كەتەيىك، ەرتەڭ، 29-ناۋرىزدا قوناقتاردى قىتايداعى قازاقستان تۋريزمى جىلىنىڭ رەسمي اشىلۋ سالتاناتى، مادەني باعدارلاماسى بار ەتنواۋىل، سونداي-اق كورنەكتى ارتىستەردىڭ قاتىسۋىمەن وتەتىن گالا-كونسەرت كۇتۋدە.
ايتا كەتەيىك، وسىعان دەيىن قىتايدا قازاقستاننىڭ تۋريزم جىلى رەسمي تۇردە باستالعانىن جازعان بولاتىنبىز.
اۆتور
كۇنسۇلتان وتارباي
