گەرمانيادان كەلگەن دارىگەر تالدىقورعاندىققا تەگىن وتا جاسادى

تالدىقورعان. KAZINFORM - تالدىقورعاندا العاش رەت زاماناۋي ادىسپەن جۇرەككە وتا جاسالدى. جەتىسۋلىق ماماندار گەرمانيادان كەلگەن پروفەسسورمەن بىرلەسىپ جاساعان وتانىڭ ءساتتى وتكەنىن مالىمدەدى.

قاراشا ايىنىڭ باسىندا جەتىسۋدا اريتمياعا (جۇرەك ىرعاعىنىڭ بۇزىلۋى) شالدىققان تالدىقورعان قالاسىنىڭ تۇرعىنى ورتالىققا جۇگىنگەن. تەكسەرۋ بارىسىندا ناۋقاستان ميترالدىك كلاپاننىڭ 3-4 دارەجەدەگى جەتىسپەۋشىلىگى، جۇرەك ىرعاعىنىڭ بۇزىلىسى، جۇرەكشە فيبيرللياتسياسى انىقتالعان. كەيىن وعان كريوابلياتسيا ادىسىمەن وتا جاسالىپ، جۇرەگىنە ميترالدى قاقپاقشا پروتەزى ورناتىلعان.

كارديولوگ دارىگەرلەردىڭ ايتۋىنشا، جوعارى تەحنولوگيالىق بۇل ءادىس جۇرەكتىڭ بەلگىلى ءبىر ايماقتارىن جوعارى تەمپەراتۋرادا مۇزداتۋ ارقىلى ەمدەيدى، بۇل ءداستۇرلى تاسىلدەرگە قاراعاندا اسقىنۋ ءقاۋپىن تومەندەتەدى جانە ناۋقاستىڭ قالىپتى ءومىر سالتىنا ورالۋىن جىلدامداتادى ەكەن.

«مۇنداي وتا بىزدە بۇرىن- سوڭدى بولماعان. جاڭا تەحنولوگيالار قولدانۋ ارقىلى كريوابيلياتسيا دەپ جاتىرمىز ول جۇرەك ىرعاعىن سالقىنداتۋ ارقىلى ۇلكەن مينۋستىق تەمپەراتۋرالاردا -60, -65 گرادۋسقا دەيىن سالقىنداتىپ، جۇرەكتىڭ وتكىزگىشتىگىن ءبىر قالىپقا كەلتىرۋ. وتانى گەرمانيانىڭ گامبۋرگ قالاسىنان كەلگەن پروفەسسور حانكەمەن وبلىستىق كارديوورتالىقتىڭ ديرەكتورى نۇرسان سەيىت ۇلى بىرىگىپ جاسادى»، - دەيدى كارديولوگ داۋرەن الىبەكوۆ

ءادىستىڭ باستى ارتىقشىلىعى جۇرەك ىرعاعىنىڭ بۇزىلۋىن ءقاۋىپسىز ءارى ءتيىمدى قالپىنا كەلتىرۋ. ايتا كەتەيىك قۇنى 3 ملن تەڭگەدەن اساتىن مۇنداي كۇردەلى وتا مىندەتتى الەۋمەتتىك ساقتاندىرۋى بار ادامدار ءۇشىن تەگىن جاسالادى.