گەرمانيادا شولۋ شەڭبەرىندە بولعان ورتتەن 65 ادام زارداپ شەكتى

استانا. KAZINFORM - نەمىستەردىڭ فەدەرالدى جەرى - ساكسونيادا جىل سايىن ۇيىمداستىرىلاتىن Highfield مۋزىكا فەستيۆالى ءوتىپ جاتقان كەزدە شولۋ شەڭبەرىنەن ءورت شىعىپ، 16 ادام اۋرۋحاناعا ءتۇستى.

بۇل تۋرالى جەرگىلىكتى پوليتسياعا سىلتەمە جاساپ، DPA اقپارات اگەنتتىگى حابارلادى، دەپ جازدى رەسەيلىك ر ي ا نوۆوستي.

شولۋ شەڭبەرىندەگى ءورت لەيپتسيگ قالاسىنا جاقىن جەردە سەنبى كۇنى كەشكىسىن بولعان. ب ا ق وكىلدەرى العاشىندا 30 ادامنىڭ زارداپ شەككەنىن حابارلادى.

«لەيپتسيگتەگى فەستيۆال كەزىندە شولۋ شەڭبەرىنەن شىققان ورتتەن زارداپ شەككەن 16 ادام اۋرۋحاناعا جەتكىزىلدى، دەپ حابارلادى»، دەپ جازادى DPA.

زارداپ شەككەندەردىڭ 4 ءۋى كۇيىپ قالعانى، بىرەۋى قۇلاعان كەزدە جاراقات العانى ايتىلادى. بارلىعى 65 ادام زارداپ شەكتى. ولاردىڭ ومىرىنە قاۋىپ ءتونىپ تۇرعان جوق.