09:52, 19 - قىركۇيەك 2024 | GMT +6
گەرمانياعا جۇمىس ىستەۋگە باراتىن وزبەكستاندىقتار ءۇشىن ۆيزا بەرۋ ءتارتىبى جەڭىلدەمەك
تاشكەنت. KAZINFORM - وزبەكستان مەن گەرمانيا وزبەكستاندىقتاردىڭ نەمىس كومپانيالارىنا جۇمىسقا ورنالاسۋىن جەڭىلدەتۋگە باعىتتالعان ءبىرقاتار كەلىسىمگە قول قويدى، دەپ حابارلايدى Kazinform اگەنتتىگىنىڭ تاشكەنتتەگى مەنشىكتى ءتىلشىسى ءاليحان اسقار.
وزبەكستاننىڭ جۇمىسپەن قامتۋ جانە كەدەيلىكتى تومەندەتۋ ءمينيسترى بەحزود مۋسايەۆ سامارقاندا گەرمانيانىڭ ىشكى ىستەر ءمينيسترى نەنسي فەزەرمەن كەزدەسۋ وتكىزدى.
«كوشى- قون ماسەلەسى بويىنشا ءبىرقاتار جەڭىلدىكتەر ازىرلەنىپ جاتىر. ءبىز وزبەكستاندىقتاردى نەمىس كومپانيالارىنا جۇمىسقا ورنالاستىرۋ پروتسەسىن جەڭىلدەتۋگە دايىنبىز»، - دەپ ءمالىم ەتتى نەنسي فەزەر كەزدەسۋ بارىسىندا.
سونىمەن قاتار، ۆەدومستۆو باسشىلارى مەديتسينا ماماندارى مەن كولىك سالاسىنىڭ قىزمەتكەرلەرىن دايارلاۋ ءۇشىن جاڭا باعدارلاما ازىرلەۋگە ۋاعدالاستى.
