گەرمانيا ەكى كۇن ىشىندە شەكارادا ۇستالعان زاڭسىز ميگرانتتاردىڭ 78 پايىزىن ەلدەن شىعاردى
استانا. قازاقپارات - 7-مامىردان باستاپ گەرمانيا ءى ءى م شەكارالىق باقىلاۋدى ايتارلىقتاي كۇشەيتتى - كەلەسى ەكى كۇن ىشىندە فەدەرالدى پوليتسيا 365 زاڭسىز ميگرانتتى ۇستادى، دەپ حابارلايدى DW.
ولاردىڭ ىشىنەن 286 ادام، ياعني %78,3 ى ەلدەن شىعارىلعان. بۇل تۋرالى 11-مامىردا Bild گازەتى پوليتسيا مالىمەتتەرىنە سىلتەمە جاساپ حابارلادى. ەلگە كىرگىزبەۋدىڭ باستى سەبەپتەرى - ۆيزانىڭ بولماۋى، جالعان قۇجاتتار نەمەسە كىرۋگە تىيىم سالىنعان مارتەبە بولعان.
گازەتتىڭ جازۋىنشا، 8- 9-مامىر كۇندەرى شەكارادا ۇستالعان ميگرانتتاردىڭ 23 ى بوسقىن مارتەبەسىن الۋ تۋرالى ءوتىنىش بەرگەن. الايدا ولاردىڭ 19 ى ءبارىبىر ەلدەن شىعارىلىپ، تەك تورتەۋىنە ەلگە كىرۋگە رۇقسات ەتىلگەن. سول ەكى كۇن ىشىندە 14 ادام - زاڭسىز كوشى- قون ۇيىمداستىرۋشىلارى مەن 9 ەكسترەميزم مەن يسلاميزمگە قاتىسى بار دەگەن كۇدىكتىلەر ۇستالدى.
Bild باسىلىمى «بوسقىندار جونىندەگى ساراپشىلارعا» سىلتەمە جاساپ، گەرمانيا شەكاراسىن كۇن سايىن شامامەن 200 بوسقىن كەسىپ وتپەك بولاتىنىن جازادى. بۇرىن ولاردىڭ شامامەن 120 سىنا كىرۋگە تىيىم سالىناتىن، ال 7-مامىردان باستاپ جاڭا ەرەجە كۇشىنە ەنگەننەن كەيىن بۇل كورسەتكىش 190 عا دەيىن وسكەن.
جاڭا ىشكى ىستەر ءمينيسترى الەكساندەر دوبريندت 7-مامىردا گەرمانيا شەكاراسىندا باقىلاۋدى كۇشەيتۋ تۋرالى مالىمدەگەن. ول 2015 -جىلعا دەيىن قولدانىستا بولعان ەرەجەنى قالپىنا كەلتىردى - وعان سايكەس، ە و ەلدەرىنەن كەلگەن بوسقىندارعا شەكارانىڭ وزىندە-اق كىرۋگە تىيىم سالىنۋى مۇمكىن. تەك بالالار مەن جۇكتى ايەلدەر سياقتى «وسال توپتارعا» عانا ەرەكشە جاعداي قاراستىرىلعان.
بۇعان دەيىن ەۋرووداقتىڭ قاي ەلدەرىنىڭ ازاماتتارىنا بوسقىن مارتەبەسى بەرىلمەيتىنى تۋرالى حابارلانعان.
ەسكە سالايىق، ا ق ش-تا زاڭسىز ميگرانتتاردى ەلدەن «ەرىكتى تۇردە شىعارۋ» باعدارلاماسىن پرەزيدەنت دونالد ترامپ باستاعان ەدى.
