گەرمانيا ب ۇ ۇ جەلىسى بويىنشا بوسقىنداردى قابىلداۋدى ۋاقىتشا توقتاتتى
استانا. KAZINFORM - گەرمانيا ب ۇ ۇ بوسقىندار ءىسى جونىندەگى جوعارعى كوميسسارى باسقارماسىنىڭ باعدارلاماسى اياسىندا بوسقىنداردى ەرىكتى تۇردە قابىلداۋدى توقتاتتى، دەپ حابارلايدى ت ا س س.
بۇل تۋرالى Deutsche Presse-Agentur (DPA) گەرمانيانىڭ ىشكى ىستەر مينيسترلىگى مەن ب ۇ ۇ باسقارماسىنا سىلتەمە جاساپ حابارلادى.
مۇنداي شەشىم قازىر حريستيان-دەموكراتيالىق جانە حريستيان-الەۋمەتتىك وداقتار بلوگى مەن گەرمانيانىڭ سوتسيال-دەموكراتيالىق پارتياسى جۇرگىزىپ جاتقان ۇكىمەتتىك كواليتسيا جونىندەگى كەلىسسوزدەرگە بايلانىستى قابىلداندى. الدىن الا كەڭەستەردىڭ ناتيجەسىندە ولار بوسقىنداردى ەرىكتى تۇردە قابىلداۋ باعدارلامالارىن مۇمكىندىگىنشە تەزىرەك توقتاتىپ، جاڭا باعدارلامالارعا قاتىسپاۋعا كەلىستى.
بۇعان دەيىن گەرمانيا ۇكىمەتى 2024- 2025-جىلدارى ب ۇ ۇ جەلىسى بويىنشا ەل اۋماعىندا جالپى سانى 13100 بوسقىندى قابىلداۋعا كەلىسىم بەرگەن. ولاردىڭ ىشىندە 5061 ادام، سونىڭ ىشىندە تۇركيادان كەلگەن سيريالىق بوسقىندار گەرمانياعا كەلىپ ۇلگەردى.
گەرمانيانىڭ بولاشاق كانسلەرى بولۋى مۇمكىن فريدريح مەرتس بيلىككە كەلسە، ميگراتسيالىق ساياساتتى ەداۋىر قاتاڭداتۋ نيەتى بار ەكەنىن بىرنەشە رەت مالىمدەگەن.
بۇعان دەيىن اۆستريا دا بوسقىنداردىڭ وتباسىلارىن قايتا قاۋىشتىرۋ ءراسىمىن توقتاتقان بولاتىن.
ايتا كەتەلىك گەرمانيا سيريالىقتارعا كومەك رەتىندە 300 ميلليون ەۋرو ءبولۋدى ۋادە ەتكەن ەدى.
