نۇرلىبەك نالىبايەۆ «كەگەن» وتكىزۋ پۋنكتىنە بارىپ، نىساندى دەر كەزىندە اياقتاۋدى تاپسىردى

بۇل تۋرالى ۇكىمەتتىڭ باسپا ءسوز قىزمەتى حابارلادى.

ەڭ الدىمەن كەگەن اۋدانىنداعى «كەگەن» وتكىزۋ پۋنكتىنە بارىپ، مەملەكەتتىك ورگاندار مەن ۇيىمدارعا نىساندى بەلگىلەنگەن مەرزىمدە اياقتاۋدى تاپسىردى.

كەگەن مەن رايىمبەك اۋداندارىن جالعايتىن اۆتوموبيل جولىن جوندەۋ جۇمىستارىن كورىپ، تالاپتاردى قاتاڭ ساقتاۋدى، جول جابىنىنىڭ ساپاسىن باقىلاۋدى جانە كولىك قوزعالىسىنىڭ قاۋىپسىزدىگىن قامتاماسىز ەتۋدى مىندەتتەدى.

مەملەكەت باسشىسى جول قۇرىلىسىنىڭ ساپاسىن باعالاۋ جۇيەسىن قايتا قاراۋ جانە قۇرىلىستىڭ بارلىق كەزەڭىندە باقىلاۋدى كۇشەيتۋ تۋرالى تاپسىرما بەرگەنى بەلگىلى. الداعى ۋاقىتتا جول ساپاسى جەكەلەگەن نىسانداردى تەكسەرۋمەن عانا شەكتەلمەيدى، جوبالاۋ، سالۋ، جوندەۋ جانە پايدالانۋ كەزەڭدەرىنىڭ بارلىعىندا باعالاۋدىڭ ناقتى ءارى ءبىرىزدى تاسىلدەرى قولدانىلادى.

بۇگىندە بولىنگەن قاراجاتتىڭ ماقساتتى جۇمسالۋى، جولداردىڭ بارلىق ساپا ستاندارتتارىنا سايكەس كەلۋى ۇكىمەتتىڭ قاتاڭ باقىلاۋىندا. نۇرلىبەك نالىبايەۆ قۇرىلىس كەستەسىن ساقتاۋ، ينجەنەرلىك جەلىلەردىڭ دايىندىعىن قامتاماسىز ەتۋ جانە تەحنيكالىق قاداعالاۋدى كۇشەيتۋ جونىندە تاپسىرما بەردى. بولىنگەن قاراجاتتىڭ ءتيىمدى جۇمسالۋىن باقىلاۋ، نىسانداردى قۇرىلىس نورمالارى مەن قاۋىپسىزدىك تالاپتارىنا ساي پايدالانۋعا بەرۋ باستى نازاردا بولۋى ءتيىس.

تالعار اۋدانىنىڭ ەكس-باسشىسى كەگەن اۋدانىنا اكىم بولعانىن جازعان ەدىك.