ەرلان قارين: يۋنەسكونىڭ بۇكىلالەمدىك مۇرالار تىزىمىنە ماڭعىستاۋداعى جەراستى مەشىتتەرىن ەنگىزۋ جونىندە ءوتىنىم بەرىلدى
استانا. KAZINFORM - بۇگىن مەملەكەتتىك كەڭەسشى ەرلان قاريننىڭ توراعالىعىمەن ق ر يۋنەسكو جانە يسەسكو ىستەرى جونىندەگى ۇلتتىق كوميسسيانىڭ وتىرىسى ءوتتى، دەپ حابارلايدى اقوردانىڭ باسپا ءسوز قىزمەتى.
ءماجىلىس بارىسىندا يۋنەسكو جانە يسەسكومەن ءوزارا ىنتىماقتاستى دامىتۋ بويىنشا جوسپارلار مەن باسىمدىقتار تالقىلاندى.
ەرلان قارين سوزىندە يۋنەسكو مەن ىنتىماقتاستىققا ەرەكشە ماڭىز بەرەتىن مەملەكەت باسشىسىنىڭ تاپسىرمالارىن جۇزەگە اسىرۋدىڭ ماڭىزدىلىعىن اتاپ ءوتتى.
- 2024-جىلدىڭ ناۋرىز ايىندا اتىراۋدا وتكەن ۇلتتىق قۇرىلتايدىڭ ءۇشىنشى وتىرىسىندا سويلەگەن سوزىندە پرەزيدەنت قاسىم-جومارت توقايەۆ قازاقستاندا كوزدىڭ قاراشىعىنداي ساقتاپ، الەمدىك دەڭگەيدە تانىتۋ كەرەك تەڭدەسسىز تابيعي جانە تاريحي نىسانداردىڭ كوپتىگىن اتاپ ءوتتى. مەملەكەت باسشىسىنىڭ تاپسىرماسى بويىنشا يۋنەسكونىڭ قاراۋىنا ۇيىمنىڭ بۇكىلالەمدىك مۇرالار تىزىمىنە «ماڭعىستاۋدىڭ جەراستى مەشىتتەرىن» ەنگىزۋ تۋرالى ءوتىنىم بەرىلدى. قازىرگى تاڭدا حالىقارالىق ەسكەرتكىشتەر مەن تاريحي ورىنداردى ساقتاۋ كەڭەسى ساراپشىلارىنىڭ ەلىمىزگە كەلۋ ماسەلەسى تالقىلانىپ جاتىر.
وسىعان دەيىن قازاقستاننىڭ يۋنەسكو جانە يسەسكو ىستەرى جونىندەگى ۇلتتىق كوميسسياسىنىڭ وتىرىسى وتكەنىن حابارلادىق.
