ەرلان قارين: سوڭعى 6 جىلدا قازاقستان ازاماتتىعىنان باس تارتۋعا بەرىلگەن ءوتىنىش سانى 22 ەسە ازايدى
استانا. KAZINFORM - مەملەكەتتىك كەڭەسشى ازاماتتىق ماسەلەلەرى جونىندەگى كوميسسيانىڭ كەزەكتى وتىرىسىن وتكىزدى. بۇل تۋرالى اقوردانىڭ باسپا ءسوز قىزمەتى حابارلادى.
مەملەكەتتىك كەڭەسشى ەرلان قاريننىڭ ءتوراعالىق ەتۋىمەن قازاقستان رەسپۋبليكاسى پرەزيدەنتىنىڭ جانىنداعى ازاماتتىق ماسەلەلەرى جونىندەگى كوميسسيانىڭ كەزەكتى وتىرىسى ءوتتى.
جيىندا قازاقستان ازاماتتىعىنا قابىلداۋ جانە ودان شىعارۋ ماسەلەلەرى قارالدى.
باسقوسۋدا مەملەكەتتىك كەڭەسشى سوڭعى التى جىلدا ەلىمىزدىڭ ازاماتتىعىنان باس تارتقان ادامداردىڭ سانى تۇراقتى تۇردە ازايىپ كەلە جاتقانىن اتاپ ءوتتى.
مىسالى، 2019 -جىلى 1,7 مىڭ ادام ازاماتتىقتان باس تارتسا، 2020 -جىلى - 944، 2021 -جىلى - 123، 2022 -جىلى - 114، 2023 -جىلى - 107، ال 2024 -جىلى 77 ادام ازاماتتىقتان شىققان.
مۇنىڭ ءبارى قازاقستان ازاماتتىعى ينستيتۋتىنىڭ ابىروي- بەدەلى ارتىپ كەلە جاتقانىن جانە تۇرعىنداردىڭ ەل بولاشاعىنا دەگەن سەنىمىنىڭ نىعايا تۇسكەنىن كورسەتەدى.
