ەرلان قارين: پرەزيدەنت باعىتى قازاقستاندى تۇبەگەيلى جاڭعىرتۋدى كوزدەيدى
فرانسيانىڭ حالىقارالىق گەوساياساتقا ارنالعان L`Essentiel des relations internationales باسىلىمىندا مەملەكەتتىك كەڭەسشى ەرلان قاريننىڭ «قازاقستاننىڭ جاسامپاز كۇنتارتىبى» دەپ اتالاتىن ماقالاسى جاريالاندى، دەپ حابارلايدى Kazinform.
ەرلان قارين ماقالاسىندا وتكەن جىلدىڭ ىشىندەگى قازاقستان دامۋىنىڭ كەيبىر قورىتىندىلارىن العا تارتادى.
«پرەزيدەنت قاسىم-جومارت توقايەۆ قازاقستاندى تۇبەگەيلى جاڭعىرتۋدى كوزدەيتىن باعىتتى مۇلتىكسىز جۇرگىزىپ كەلەدى. 2023-جىل دا ەرەكشە بولدى جانە ول قازاقستان ءۇشىن رەفورمالار اياسىندا ءوتىپ بارادى. ساياساتتاعى جانە ەكونوميكاداعى پرەزيدەنتتىك رەفورمالاردىڭ لوگيكاسى ولاردىڭ ۇيلەسىمدىلىگىنە نەگىزدەلگەن. ءار رەفورما، جاڭا باستاما ءبىرىن-ءبىرى تولىقتىراتىن جۇيەلى سيپاتقا يە. جانە دە پرەزيدەنتتىك باعىتتىڭ بارلىق باعدارى - ساياسات، ەكونوميكا جانە يدەولوگيا - بۇكىلى بىرگە ەلدى جاڭعىرتۋدىڭ بىرەگەي باعدارلاماسىن قۇرايدى. رەفورما پروتسەسىنىڭ ماڭىزدى ەرەكشەلىگى - قوعامنىڭ رەفورما باعىتىن قولداۋى سانالادى. بۇعان «حالىق ۇنىنە قۇلاق اساتىن مەملەكەت» تۇجىرىمداماسى سەپتىگىن تيگىزەدى. ونى قاسىم-جومارت توقايەۆ سوناۋ 2019-جىلى، ءوزىنىڭ پرەزيدەنتتىگى باستالعان كەزەڭدە قالىپتاستىرعان بولاتىن. باستى ۇستانىم ەل دامۋىنىڭ بارلىق نەگىزگى ماسەلەلەرىندە قوعامدىق پىكىردى ەسكەرە وتىرىپ، تەڭگەرىمدى، شوعىرلاندىرىلعان شەشىم قابىلداۋعا نەگىزدەلگەن. بۇل ديالوگ جانە ىمىرا ارقىلى بيلىك پەن قوعامنىڭ ءوزارا ءىس-قيمىلىنىڭ جاڭا مودەلىن قالىپتاستىردى»، - دەپ اتاپ وتەدى ەرلان قارين.
