ەرلان قارين مۇرات اۋەزوۆ تۋرالى: پاراسات-پايىمى جوعارى، ءبىلىمى تەرەڭ، ويى وزىق، ۇستانىمى بەرىك تۇلعا ەدى
استانا. KAZINFORM - مۇرات اۋەزوۆ - پاراسات- پايىمى جوعارى، ءبىلىمى تەرەڭ، ويى وزىق، ۇستانىمى بەرىك تۇلعا ەدى. ءبىر بويىنا سان ءتۇرلى قاسيەت قونعان، ءبىر ءوزى بىرنەشە باعىتتا ەڭبەكتەنگەن امبەباپ ازامات بولاتىن، دەپ جازدى بۇگىن ق ر مەملەكەتتىك كەڭەسشىسى ەرلان قارين ءوزىنىڭ Facebook پاراقشاسىندا.
«مادەنيەت تانۋشى، شىعىستانۋشى، ديپلومات، جازۋشى، قابىرعالى قايراتكەر رەتىندە ۇلت رۋحانياتىن بايىتۋعا، ادەبي-مادەني ءومىردىڭ وركەندەۋىنە، قوعامدىق-ساياسي ۇدەرىستەردىڭ العا باسۋىنا ەلەۋلى ۇلەس قوستى»، - دەپ جالعاستىردى مەملەكەتتىك كەڭەشى.
بۇدان بولەك ارداقتى اكە، ۇلى تۇلعانىڭ لايىقتى پەرزەنتى بولدى. اسقارتاۋ اكەنىڭ اتىن ءوز بيىگىندە جالعاستىردى. اسىلدىڭ سىنىعى، التىننىڭ قيىعى، جاقسىنىڭ جالعاسى عانا بولىپ قويعان جوق، ءوزىنىڭ سوقپاعىن قالىپتاستىرىپ، اۋەزوۆ دەگەن ابىرويلى تەكتى تۇعىرىنان تۇسىرمەدى.
«ءبىز مۇرات اعانى جاس كەزىمىزدەن تانيتىن ەدىك. الماتىدا تۇرعانىمىزدا ەتەنە ارالاسىپ، ءجيى پىكىرلەسىپ جۇرەتىنبىز. بىردە ءۇش كىسى بولىپ قىرعىزستانعا ساپارمەن باراتىن بولدىق. ارامىزدا مۇرات اۋەزوۆ تە بار. ءبىز بىردەن ۇشاقپەن ەمەس، كولىكپەن بارۋدى ۇسىندىق. وندا دا ماشينانى ءوزىم جۇرگىزىپ باراتىنىمدى ايتتىپ، «سىزگە جۇرگىزۋشى بولۋ ءبىز ءۇشىن ۇلكەن مارتەبە عوي، اعا. شارشايتىن ەشتەڭەسى جوق» دەگەنىمىزدە، ول كىسى جىلى جىميىپ كەلىسكەن بولاتىن.
سول ساپارىمىز ەستەن شىقپايدى. ءار توبەنىڭ تاريحىن، ءار قىراتتىڭ وقيعاسىن، ءار تاۋدىڭ شەجىرەسىن ايتتى دەسەم، وتىرىك بولماس. ءتورت كۇندەي ۋاقىت قاسىندا ءجۇرىپ، شامامىز كەلگەنشە قىزمەت قىلىپ، ءتالىمدى ءسوزىن تىڭداپ، تاربيەلى وسيەتىن ەستىپ، كوڭىلىمىز شات-شادىمان كۇي كەشىپ ەدى. سول كەزدە مۇرات اعانىڭ بويىنداعى زيالىلىق پەن بيازىلىقتىڭ بەلگىسىن انىق تانىدىق. شەتسىز ءبىلىمىنىڭ ءبىر بولىگىن كوردىك.
ودان كەيىن دە قوعامدىق-ساياسي جۇمىستار بارىسىندا كورىسىپ، ورايى كەلگەندە جولىعىپ وتىردىق.
2022 -جىلى پرەزيدەنت سەمەيگە جۇمىس ساپارىمەن بارىپ، مۇحتار اۋەزوۆ پەن قايىم مۇحامەدحانوۆقا، ياعني ۇستاز بەن شاكىرتكە ەسكەرتكىش اشتى. سول ءىس-شاراعا مۇرات اعا دا قاتىسىپ، مەملەكەت باسشىسى ەكەۋى سۋرەتكە ءتۇستى. وسى سۋرەتتى كورگەندە ەرەكشە قۋانعانىمىزدى جاسىرعىم كەلمەيدى. ەلدىك ىستە قايراتكەرلەردىڭ ءبىر ساپتا قاتار تۇرعانى قاشان دا جاراسىمدى عوي. ونان سوڭ كەيىن قاسىم-جومارت كەمەل ۇلى مۇرات اۋەزوۆتى اقورداعا شاقىرىپ، ارنايى مەملەكەتتىك ناگرادا تاپسىردى. بۇل دا تاعىلىمدى شارا ەدى.
مۇرات اۋەزوۆ ومىردەن ءوتىپتى دەگەن اقپاراتتى وقىعاندا ويىمىزعا ونىڭ وسىنداي بولمىسى ورالدى»، - دەدى ەرلان قارين.
وسىعان دەيىن مۇرات اۋەزوۆىڭ 81 جاسىندا دۇنيەدەن وتكەنىن جازعان ەدىك.
بۇگىن پرەزيدەنت مەملەكەت جانە قوعام قايراتكەرى مۇرات اۋەزوۆتىڭ وتباسى مەن جاقىندارىنا كوڭىل ايتتى.
