ەرلان قارين ۇستازداردى قولداۋدىڭ ناتيجەلەرىن اتاپ ءوتتى

ول ۇستازدار كۇنى كاسىبي اتاۋلى كۇن بولسا دا، شىن مانىسىندە حالىقتىق مەرەكە سيپاتىنا يە مەرەكە ەكەنىن اتاپ ءوتتى.

- 2023-جىلى مەملەكەت باسشىسى قاسىم-جومارت توقايەۆتىڭ شەشىمىمەن 5-قازان - ۇستازدار كۇنى بولىپ ناقتى بەكىتىلدى. سول ۋاقىتتان بەرى پرەزيدەنتتىڭ مۇعالىمدەردى «اقوردادا» ارنايى قابىلداپ، قۇتتىقتاۋى يگى داستۇرگە اينالدى. مەملەكەت باسشىسى بۇگىن دە ارداگەر ۇستازدارعا، ەڭبەگى ەلەۋلى پەداگوگتەرگە، جەتىستىككە جەتكەن مۇعالىمدەرگە ايرىقشا قۇرمەت كورسەتتى، - دەپ جازدى ەرلان قارين.

جالپى، قاسىم-جومارت كەمەل ۇلى توقايەۆ ۇستازداردىڭ مارتەبەسىن كوتەرىپ، ولاردى قولداۋعا ەرەكشە كوڭىل ءبولىپ كەلەدى.

- پرەزيدەنت رەتىندە قابىلداعان العاشقى ماڭىزدى شەشىمدەرىنىڭ ءبىرى دە مۇعالىمدەرگە قاتىستى بولعانىن جاقسى بىلەمىز. ونىڭ تىكەلەي باستاماسىمەن «پەداگوگ مارتەبەسى» تۋرالى زاڭ قابىلداندى. ەڭ جوعارى مەملەكەتتىك ناگرادا - «قازاقستاننىڭ ەڭبەك ەرى» اتاعى مۇعالىمدەرگە بەرىلە باستادى. سول سەكىلدى مۇعالىمدەردىڭ ەڭبەكاقىسىن ەسەلەپ ارتتىرىپ، سالاداعى باسەكەلەستىكتى جاڭا دەڭگەيگە كوتەردى.

پرەزيدەنت تەك مۇعالىمدەرگە عانا ەمەس، جالپى ءبىلىم سالاسىنا ەرەكشە قولداۋ كورسەتىپ وتىر. كەيىنگى 7 جىلدىڭ وزىندە ەلىمىزدە 1301 جاڭا مەكتەپ اشىلدى. بۇل رەتتە قازاقستان جاڭا مەكتەپتەر قۇرىلىسى جونىنەن ورتالىق ازياداعى كوشباسشى مەملەكەت ەكەنىن اتاپ وتكەن ءجون.

بارشاڭىزدى بۇگىنگى ۇستازدار كۇنىمەن شىن جۇرەكتەن قۇتتىقتايمىن! مەملەكەت باسشىسى ايتقانداي، «مىقتى مۇعالىم - ساپالى ۇلتتىڭ تىرەگى». ەلدىڭ ەرتەڭگى بولاشاعىنا، ۇرپاق تاربيەسىنە جاۋاپتى مۇعالىمدەرگە تولايىم تابىس پەن باق-بەرەكە تىلەيمىز، - دەدى ۆيتسە-پرەزيدەنت.

ايتا كەتەلىك بۇگىن ايرىقشا ەڭبەگى ءۇشىن ءبىر توپ مۇعالىم جوعارى مەملەكەتتىك ناگرادالارمەن ماراپاتتالدى.