ەرلان قارين باۋىرجان مومىش ۇلىنىڭ ەسكەرتكىشىنە گۇل شوقتارىن قويدى
استانا. KAZINFORM - مەملەكەتتىك كەڭەسشى ەرلان قارين جەڭىس كۇنىنە وراي حالىق قاھارمانى، كەڭەس وداعىنىڭ باتىرى، بەلگىلى قالامگەر باۋىرجان مومىش ۇلىنىڭ استانا قالاسىنداعى ەسكەرتكىشىنە گۇل شوقتارىن قويدى، دەپ حابارلايدى اقوردانىڭ باسپا ءسوز قىزمەتى.
ءىس-شاراعا پرەزيدەنت جانىنداعى جاستار ساياساتى جونىندەگى كەڭەستىڭ مۇشەلەرى دە قاتىستى.
ءراسىم بارىسىندا مەملەكەتتىك كەڭەسشى باتىرلاردىڭ ەرلىگى حالىق جادىندا ماڭگى ساقتالاتىنىن اتاپ ءوتتى.
ماسەلەن، مەملەكەت باسشىسىنىڭ ۇلتتىق قۇرىلتايدىڭ اتىراۋ وبلىسىندا وتكەن وتىرىسىنداعى تاپسىرماسىنا سايكەس، 2024-جىلى «ايبىن» وردەنىنىڭ دارەجەلەرىنە ساعادات نۇرماعامبەتوۆتىڭ، باۋىرجان مومىش ۇلىنىڭ، راقىمجان قوشقاربايەۆتىڭ ەسىمدەرى بەرىلدى.
بۇعان قوسا پرەزيدەنت قاسىم-جومارت توقايەۆ 2025 -جىلعى 24-جەلتوقساندا باۋىرجان مومىش ۇلىنىڭ تۋعانىنا 115 جىل تولعان كۇنى داڭقتى باتىرعا «حالىق قاھارمانى» اتاعىن بەرۋ تۋرالى جارلىققا قول قويدى.
باۋىرجان مومىش ۇلىنىڭ جارقىن بەينەسى مەن ەرەن ەرلىگى جاس ۇرپاق ءۇشىن قاشاندا ۇلگى-ونەگە. ءال ومىر جولى -ناعىز جاسامپاز پاتريوتيزمنىڭ، ار-نامىستىڭ ءارى وتانعا قىزمەت ەتۋدىڭ بيىك شىڭى.
وسىدان بۇرىن ولجاس بەكتەنوۆ، ماۋلەن اشىمبايەۆ جانە ەرلان قوشانوۆ «وتان انا» مونۋمەنتىنە بارىپ، سوعىس جىلدارىندا قۇربان بولعانداردى ەسكە العانىن جازعان ەدىك.
