نۇرلان بايجىگىت ۇلى ادامنىڭ قۇدايعا جاقىندىعى قالاي بايقالاتىنىن ايتتى

ونىڭ ايتۋىنشا، مۇسىلمان ءۇشىن ادەپ پەن جاقسى مىنەز ماڭىزدى قاسيەتتەردىڭ ءبىرى.

- قۇدايعا جاقىنداۋ ادەپپەن بولادى. حاديستەردە دە ادەپ - مۇسىلماننىڭ ءتارتىبى، ول ۇلى نارسەگە يە. مۇنى «حۋسنۋل- حۋلق» ياعني جاقسى مىنەز دەيدى. ءبىرىنشى يمان، سەنىم تۇرادى، ودان كەيىن جاقسى مىنەز تۇرادى. قۇلشىلىق تۇرمايدى، ناماز تۇرمايدى قازىر ءبىر نارسە بولسا ناماز وقيمىن، وراز ۇستايمىن، مەشىتكە ءجۇز رەت باردىم دەگەن سياقتى سوزدەردى العا تارتامىز عوي. ءونىى ءبارى جاي نارسە ەگەر ءسىزدىڭ مىنەزىڭىز بولماسا، — دەدى نۇرلان بايجىگىت ۇلى.

يمام ادامنىڭ رۋحاني دەڭگەيىن ونىڭ اينالاسىنداعى ادامدارمەن قارىم-قاتىناسى ارقىلى دا باعالاۋعا بولاتىنىن اتاپ ءوتتى.

— ادام قۇدايعا جاققان سايىن ورتاعا ءسىڭىمدى بولادى، ەلگە جاعىمدى بولادى، اعايىنىنا ءوتىمدى بولادى. جۇرەگى نازىك، جۇمساق بولادى. ال ادام قۇدايىنان ۇزاعان سايىن قاتال، قاتىگەز، ەشكىمدى قابىلدامايتىن، تەك «مەنىكى» دەيتىن دارا ادامعا اينالادى. ءبىراق ول تۇلعا ەمەس، جالعىز قالعان دارا ادام بولادى، - دەدى ول.

نۇرلان بايجىگىت ۇلى بۇل ۇستانىمدى قازاقتىڭ «كوپپەن كورگەن - ۇلى توي» دەگەن سوزىمەن بايلانىستىرىپ، ادامنىڭ قوعامنان بولىنبەي، كوپشىلىكپەن ۇيلەسىمدى ءومىر ءسۇرۋى ماڭىزدى ەكەنىن ايتتى.