ەركىن كۇرەستەن وليمپيادا ويىندارىنىڭ جەرەبەسى تارتىلدى

پاريج. KAZINFORM - فرانسيا استاناسى پاريج قالاسىندا ءوتىپ جاتقان وليمپيادا ويىندارىندا ەرتەڭ ەركىن كۇرەس شەبەرلەرى جارىستارىن باستايدى. وسىعان وراي بۇگىن جەرەبە تارتىلىپ، قازاقستاندىق بالۋانداردىڭ العاشقى قارسىلاستارى بەلگىلى بولدى.

پاريج وليمپياداسىندا ەركىن كۇرەستەن قازاقستان نامىسىن 4 بالۋان قورعايدى.

86 كەلى. 1/8 فينال. ازامات داۋلەتبەكوۆ - اورون برۋكس (23 جاسقا دەيىنگىلەر اراسىندا الەم چەمپيونى)

86 كەلىگە دەيىنگى سالماقتا الەم چەمپيوناتىنىڭ ەكى دۇركىن قولا جۇلدەگەرى ازامات داۋلەتبەكوۆ العاشقى اينالىمدا ا ق ش-تىڭ ىشكى ىرىكتەۋىندە توكيو وليمپياداسىنىڭ چەمپيونى داۆيد تەيلوردان ايلاسىن اسىرعان اورون برۋكسپەن شەبەرلىك بايقاساتىن بولدى.

57 كەلى. 1/8 فينال. مەيرامبەك قارتباي - بەكزات الماز ۋۋلۋ (قىرعىزستان)

ال 57 كەلىدە رەسەي سپورتشىلارىنىڭ جارىستان باس تارتۋىنا بايلانىستى ماۋسىم ايىندا عانا جولداماعا يەلىك ەتكەن مەيرامبەك قارتباي قىرعىزستان وكىلىمەن شىعادى.

ەركىن كۇرەستەگى قوس شەبەرىمىز ەرتەڭ العاشقى بەلدەسۋىن وتكىزەدى.

اۆتور
كۇنسۇلتان وتارباي