گرەكيادان ەكىنشى دۇنيەجۇزىلىك سوعىس كەزىندەگى بومبالار تابىلدى

Грекиядан Екінші дүниежүзілік соғыс кезіндегі бомбалар табылды
Фото: newsbomb.gr

استانا. KAZINFORM - افينادا بۇرىنعى ەللينيكون اۋەجايىنىڭ اۋماعىنان ەكىنشى دۇنيەجۇزىلىك سوعىس كەزىنەن قالعان 314 بومبا تابىلدى.

Newsbomb پورتالىنىڭ حابارلاۋىنشا، بومبالار پونتيا وداعىنىڭ بۇرىنعى نىساندارىنىڭ استىندا بولعان. بالاباقشالار مەن سپورت نىساندارىنىڭ، سونىڭ ىشىندە وليمپيادالىق عيماراتتاردىڭ استىندا دا بومبا جاتقانى انىقتالعان.

ەللينيكو-ارگيرۋپولي اۋدانىنىڭ مەرى ياننيس كونستانتاتوس اتاپ وتكەندەي، بومبالار ەكى مەتر تەرەڭدىكتە جاتقان. زارە ۇشىرعانى سول، بومبا ورنالاسقان اۋماقتا ادامدار ءجيى جۇرەدى ەكەن.

«قۇدايعا شۇكىر، جارىلىس بولعان جوق. بومبا «جايلاعان» اۋماقتا وسى ۋاقىتقا دەيىن اۋەجاي، ونداعان مۋنيتسيپالدى جانە ازاماتتىق اۆياتسيا باسقارماسى نىساندارىنىڭ الاڭسىز جۇمىس ىستەپ كەلگەنى تاڭعالارلىق»، - دەدى ول.

بومبالار قۇرىلىس جۇمىستارى كەزىندە تابىلعان. بۇگىندە ارنايى قۇرىلعىمەن بارلىق بومبانىڭ كوزى جويىلعان.

سوڭعى جاڭالىقتار