گرەكيادا ميگرانتتار مىنگەن قايىق اپاتقا ۇشىراپ، 8 ادام قايتىس بولدى

استانا. KAZINFORM - دۇيسەنبى كۇنى گرەكيانىڭ ساموس ارالىنىڭ جاعالاۋىندا مينگرانتتار مىنگەن قايىق سۋعا كەتىپ، 6 بالا مەن 2 ايەل كوز جۇمدى، دەپ حابارلايدى شينحۋا اقپارات اگەنتتىگى.

دەپارتامەنتتىڭ مالىمەتى بويىنشا، 39 ادام قۇتقارىلعان. الايدا بورتتاعى ادامداردىڭ ناقتى سانى مەن ۇلتى بەلگىسىز.

گرەكيانىڭ تەڭىز ىستەرى جانە ارال ساياساتى ءمينيسترى حريستوس ستيلينديس بۇل وقيعانى «ادام كونترابانداسىمەن اينالىساتىن جەلىلەردىڭ قىلمىستىق ارەكەتتەرى تۋرالى قايعىلى ەسكە الۋ» دەپ اتادى.

ول گرەكيا مەن تۇركيا ەلىنىڭ تەڭىز شەكارالارىنا جۇيەلى جانە بىرلەسكەن ىنتىماقتاستىق كەرەك ەكەنىن ايتا كەتتى. ونىڭ سوزىنشە، بۇل ءقازىردىڭ وزىندە ناقتى ناتيجەلەر بەرىپ كەلەدى.

گرەكيا 2015-جىلدان بەرى زاڭسىز ميگرانتتار مەن بوسقىندار ءۇشىن ەۋروپالىق وداققا كىرۋدىڭ نەگىزگى پۋنكتى سانالادى. بۇگىنگە دەيىن ميلليونعا جۋىق ميگرانت تىركەلدى. دەگەنمەن گرەكيا اۋماعىنا جەتۋگە تىرىسقان جۇزدەگەن ادام تەڭىزدە قازا تاپتى.

بۇعان دەيىن ۆيلنيۋس حالىقارالىق اۋەجايى ماڭىندا جۇك ۇشاعى اپاتقا ۇشىراعانى حابارلاندى.