گرەكيادا 80 جاستاعى ەر ادام مەكتەپ وقۋشىسى اتاندى

استانا. KAZINFORM - گرەكيالىق زەينەتكەر ۆاسيلليس پانايوتاروپۋلوس وقۋىن اياقتاۋ ءۇشىن كەشكى مەكتەپكە باردى. بۇل تۋرالى The Guardian باسىلىمى حابارلادى.

ەر ادام 12 جاسىندا اكەسىنە ەگىستىكتە جۇمىس ىستەۋگە كومەكتەسۋ ءۇشىن مەكتەپتى تاستاپ كەتكەن. كەيىنىرەك افيناعا كوشىپ، وندا اسپازشى بولىپ جۇمىس ىستەگەن جانە جەكە تاۆەرناعا يەلىك ەتكەن.

ايتۋىنشا، مەكتەپتى، وقۋدى قاتتى ساعىنعان، جىلدار بويى «مەكتەپكە ءبىر كۇنى قايتىپ ورالسام» دەگەن ويدا جۇرگەن. سودان سوڭ ۆاسيلليس ايەلىنە وقۋىن قايتا جالعاستىرۋعا نيەتتى ەكەنىن ايتقان.

ونىمەن بىرگە سىنىپتا 15 جاسار بالالار بار.

ۇستازداردىڭ ايتۋىنشا، ەر ادام سىنىپتاستارىنا جاقسى اسەر ەتۋدە، سونىمەن قاتار ول وتە ەڭبەكقور وقۋشى. ونىڭ سۇيىكتى ساباقتارى - ەجەلگى گرەك ءتىلى جانە ماتەماتيكا. ماۋسىم ايىندا ۆاسيلليس مەكتەپتىڭ تولىققاندى تۇلەگى بولادى.

وسى وقيعادان شابىتتانعان گرەكيا ۇكىمەتى كەشكى مەكتەپتەردى قولداۋعا نازار اۋداراتىنىن ايتتى.

ەسكە سالساق، بۇعان دەيىن گايتيدە ءبىر جىلدا قارۋلى توپتار قاتارىنا تارتىلعان بالالاردىڭ سانى 70 پايىزعا وسكەنى ءمالىم بولدى.