رەكورد بولمادى! اۋكسيوندا مەسسيدىڭ الەم چەمپيوناتىندا كيگەن جەيدەسى ساتىلدى

نيۋ-يوركتا وتكەن اۋكسيوندا تانىمال فۋتبولشى ليونەل مەسسيدىڭ 2022 -جىلعى الەم چەمپيوناتىندا كيگەن سپورتتىق جەيدەلەرى ساتىلدى.

Dailymail.co.uk اقپاراتى بويىنشا «ينتەر مايامي» كومانداسى شابۋىلشىسىنىڭ جەيدەلەرى 7,8 ميلليون دوللارعا باعالانعان. التى جەيدەدەن تۇسكەن قارجىنىڭ ءبىر بولىگى قايىرىمدىلىق ماقساتىندا جۇمسالادى.

ليونەل مەسسي 2022 -جىلعى الەم چەمپيوناتىنىڭ جەڭىمپازى، «التىن دوپتىڭ» 8 دۇركىن يەگەرى. ارگەنتينالىق فۋتبولشىنىڭ سپورتتىق جەيدەسى رەكورد جاڭارتا العان جوق. 2022 -جىلدىڭ قاڭتار ايىندا ايگىلى باسكەتبولشى مايكل دجورداننىڭ 1998 -جىلى «يۋتاعا» قارسى العاشقى ويىنىنداعى جەيدەسى 10,1 ميلليون دوللارعا ساتىلعان بولاتىن.